2019 жылға арналған ақылы қызмет прейскуранты
2019 жылға арналған ақылы қызмет прейскуранты. Мына жерден қараңыз.
2-08-2019, 10:29
Плазмаферез
Плазмаферез жасау үшін Ресей елінен 2006 жылы шығарылған "Гемофеникс” аппараты қолданылады. Бөлме аурухананың ІІ –ші қабатындаа орналасқан. Бұл қан тазартатын аппарат.Плазмаферез арқылы көптеген ауруларды емдеп, көмек көрсетуге болады. Оның ішінде:
1. Тері қабатының аурулары: псориаз, аллергиялық аурулар, дәріге, шаңға, тамақтарға аллергия, түрлі аллергиялар.2. Қан тамырлары, жүрек аурулары жүректің ишемиялық кеселі ЖИК-ИБС, артериалды гипертензия, жүрек инфаркті.
3. Тыныс жүйесінің аурулары: бронхиалды астма, өкпе қабынуының ауыр түрлері.
4. Ас қорыту жүйесінің аурулары: бауыр, ішек қабынуы, ұйқы безінің қабынуы.
5. Бүйрек аурулары.
6. Қан аурулары.
7. Әр түрлі уланулар.
8. Екі қабат кезіндегі токсикоз, улану, жатырдың іріңді септикалық қабынулары.
9. Эндокринды кеселдер.
10. Жұқпалы аурулар – сепсис, гепатит.
Плазмаферез жабдығымен жұмыс жасайтын дәрігер-трансфузиолог Ерболат Ермекбаевич Жасанов. Ол тиісті оқу орнында оқып, осы сала бойынша біліктілігін жетілдірілген, маман куәлігі бар.10-09-2014, 23:34
Скрининг
Егер Сіздің жасыңыз скринингті тексерілуге тиісті болса, Сізге міндетті түрде тұрғылықты жеріңіздегі емхананыздан медициналық тексеруден өту қажет және денсаулығыңыз туралы беретін кеңестері мен ақпаратты алу абзал. Сіздің денсаулығыңыз – өз қолыңызда!
Скрининг (screening – сараптау, іріктеу) – бұл ерте сатыда ауруларды және қауіпті факторларды анықтау үшін белгілі бір жастағы дені сау адамдардың алдын ала медициналық қаралудан өтуі.
Алдын ала медициналық қаралу – уақытылы емделу мен алдын алу, ауруларды ерте анықтау және ескерту мақсатында адамның денсаулық жағдайын бақылап отыру үшін жүйелі түрде дәрігерге қаралу әдісі.
Халықтың белгілі тобын скринингті қаралудан өткізудің мақсаты ауруды және оның пайда болуына септігін тигізетін қауіпті факторларды ерте сатыда анықтау болып табылады.
Сіздің жасыңыз скринингті тексерілуге тиісті болса, Сізді міндетті түрде тұрғылықты жеріңіздегі емхананыздан медициналық тексеруден өтуге шақырамыз!
Нұргул Тыныштықбайқызы МУСААҚФ"Апаттар медицинасының темір жол госпитальдары"-
Қазалы темір жол емханасы,
скринингке жауапты дәрігер,
Әйтеке би кенті,
Қазалы ауданы
16-08-2014, 14:04
Гемодиализ бөлімшесі
Бұл бөлімше аурухананың бірінші қабатында орналасқан. Оның ішінде "Formula TM ” аппаратының саны – 5 дана.Бұл бөлімшеде Арал, Қазалы, Сексеуіл, Төретам станциясы тұрғындары расындағы науқастарға қызмет жасалады. Қазіргі таңда барлығы 14 науқас, күнара ем алуда. Гемодиализ алуға көрсетілімі - жедел және созылмалы бүйрек жетіспеушілігі немесе тапшылығы.
Бөлімшеде дәрігер Е.Е.Жасанов және 2 медбике – Ж. Укумова, У. Адиева жұмыс жасайды. Барлығы І санатты медицина қызметкерлері, гемодиализден арнайы оқу оқып, маман сертификатын алған.Гемодиализ бөлімі "Ren medical” ЖШС компаниясына қарасты.
Қазалы теміржол ауруханасындағы гемодиализ бөлімшесі – соның бір филиалы болып есептеледі. 5 төсектік бөлімше, 1 ауысымда 5 науқас қабылданады.
Толық мағлұматты аурухана сайтындағы контакт деректері арқылы хабарласып біле аласыздар.
11-07-2014, 19:37
Барокамера
Дәрігері - Жасулан Серикович Қуанышбаев. 2007 жылдан бастап, ауруханада барокамера бөлмесі ашылды, ақылы бөлімнің ішінде І – қабатта орналасқан.
Онда бір орындық барокамера ОКА-мт халыққа қызмет көрсетеді.
Бұл салада қызмет көрсетіп жүрген мамандар: дәрігер – Жасулан Серикович Куанышбаев, инженер - Берик Аниятуллаевич Сахиев, мейіркеш - Жулдызай Бекболатовна Далиева. Аты аталған мамандар барокамераны пайдалану қыр-сырын оқып, арнайы дайындықтан өткендер.
Барокамера арқылы көптеген ауруларды емдеп, көмек көрсетуге болады. Оның ішінде:1. Әр түрлі улану кезінде.
2. Жүрек, қан тамыр ауруы кезінде.
3. Өкпенің созылмалы қабынуларында.
4. Асқазан – ішек аурулары кезінде.
5. Бауыр ауруларында.
6. Орталық нерв жүйесі ауруларында.
7. Көз ауруларында.
8. Эндокриндік аурулар кезінде.
9. Хирургия саласында (ұзақ жазылмай жүрген жарақаттарда).
10. Екі қабат кезіндегі патологиялық жағдайларда.
Барокамера – оттегімен емдейтін әдіс.Бұл әдіс тек ірі қалаларда, облыс орталықтарында қолданылады. Аудан жағдайында алысқа ақша шығындамай, тиімді көмек түрін пайдаланыңыз.
11-07-2014, 19:24
Сервистік қызмет бөлімшесі
Сервистік қызмет бөлімшесі 3 қабатты ғимараттың 1-ші қабатында орналасқан.Науқастарға қолайлы емделуі үшін 1 орындық стандартты 2 палата және 2 кісілік 4 палата бар. Олар себізгімен, тазалық - торабымен, теледидармен, тоңазытқышпен жабдықталған және барлық палатада әжетхана орналасып, ыстық сумен жабдықталған. Барлық палаталар жарық, таза бөлімдегі бөлмелердің барлығына пластикалық есік терезелер орнатылып, едендеріне паркет жабдылған. Көк тамырға және бұлшық етке егу үшін ем қабылдау бөлмесі бар. Ол барлық қажетті құралдармен, дәрі-дәрмекпен жабдықталған.
Ем қабылдау арасында сіз тыныш холда туыстарыңызбен сұқбаттаса аласыз және медицина саласындағы, ауруханамыз жайлы барлық жаңалықтарды, бұйрықтарды холда орналасқан «Емдеушілер назарына» деген ақпараттық тақтадан оқып білуге болады.
Емдеудің ең бір негізгі құрылымы дұрыс емдік тамақтану болып табылады. Оны сізге аурухананың кәсіби аспаздары дайындайды. Асты әдемі, жарық, таза асханада қабылдай аласыз, асханада ыстық су үнемі үзіліссіз ағып тұрады. Асханада науқастарға арналған «Денсаулық дастарханы» деген диеталық тағамдар тақтасы бар. Сервистік қызмет бөлімімен теміржол саласындағы мекемелердің келісім-шартқа отыруы дағдыға айналған. Мекеменің қаражатымен науқастанған жұмысшы-қызметкерлерге жолдама беріледі. Сонымен қатар, жеке тұлғалардың да өз қалтасынан ақы-пұл шығарып профилактика мақсатында емделуіне болады. Бұл бөлімшеге озық үлгідегі аппараттар қойылған.
"Қазалы теміржол ауруханасы” ел талғамынан табылып жүрген іргелі мекеме. Нарықтың сынағынан сүрінбей өтіп, қалыптасуына бас дәрігердің сіңірген еңбегі ерекше. Ол «өзіне талап қоя білу, ұстамдылық пен мақсат қоюшылық – нағыз медициналық қызметкердің сапасын анықтайтын қасиеттер» - дейді. Мекеме табысының кепілі ұжымның жоғары кәсіби біліктілігі, қызметкерлер білімдерін жетілдіру, оның ішінде науқастарға деген мейірімділік пен қамқорлық қарым-қатынастың жасалуы екенін атап көрсетеді. Талмай ізденетін басшы өзгелерден де соны талап етеді. Ауруханадағы дәрігерлердің басым бөлігі жоғарғы және бірінші санатты болуы сөзіміздің дәлелі.
Қарыштап алға басқан медицина саласы білім жетілдіруді қатал талап етері хақ. Ауруханада емделу кезінде қолайлы жағдайлар жасау, аурухана ғимаратындағы мінсіз тазалық пен тәртіп, дәрігерлердің мүлтіксіз кәсібилігі, медициналық қызметкерлер тарапынан моралдық көмек пен мейірімді қарым-қатынасты барлық сервистік қызмет бөлімінде емделген науқастар атап өтуде. Қиын жағдайға тап болған жағдайда адамдар көбінесе осы сервистік қызмет бөлімшесінде ем қабылдауға тырысады. Себебі олар өздеріне стационарда ауруларын жеңіп шығатындай сапалы кепілдендірілген көмек көрсетілетініне сенімді.
Емделушілерге қамқорлық көрсету — бұл үлкен құрмет және жауапкершілік. Өз денсаулықтарын ауруханамыздың кәсіби мамандарына сеніп тапсырып, мыңдаған адамдар күн сайын денінің саулығына, болашақтағы еңбек қабілеттігіне деген сеніммен өмір сүреді.
4-07-2014, 16:11
Емдік ванна қабылдау бөлмелері
Емдік ванналар аурухананың төменгі қабатында орналасқан. Осы бөлімде мейіркеш - Алмаш Тастемірқызы Мырзағазиева арнайы оқып маман куәлігін (сертификатын) алған және тазалықшы - Айна Шынжанова жұмыс жасайды.Сумен емдеу бөлімінде 4 ванна, 3 себізгі кабинасы, 2 джакузи орналасқан. Іші таза, жарық, демалатын, сусын ішетін орны бар. Ерлерге және әйелдерге арнайы жеке бөлмелер қарастырылған.
Әр түрлі емдік шөптер мен тұздардың түрлері бар: қылқанжапырак, шатыраш, қалақай, жасмин, түймедақ, итошаған, йод-бромды, теңіз тұзы. Олардың қабынуға қарсы, тыныштандыратын және сергітетін әсері бар, ұйқыны жақсартады, шаршағанды басады, жүйкенің асқан қозуын түсіреді.
Теріні жақсартып, оның тонусын көтеріп, қартаю үрдісінің алдын алады. Аяқты бұлау, «тырнақты нығайту үшін» бұлау түрінде және остеохондроз, артроз бен артриттердің алдын алуға, бойдағы салқынға, буын ауруларына тигізер пайдасы мол.
Йодты-бромды ванна – бром жүйке жүйесіне пайдалы, йод әр түрлі қабынуға қарсы, йод пен бром қалқанша безінің жұмысын жақсартады, липидтік айналымды күшейтеді. Сондықтан бұл емді қалқанша безінің ауруларына және жүрек ауруларына пайдаланады. Сонымен қатар бұл емді пайдалану бүйрек, бауыр, талақ, қан айналымын жақсартады.
Самырсын ваннасы – бұл жүйке ауруларына, жүрек қан тамырларына пайдалы. Жалпы адамның көңіл – күйіне жақсы әсер береді. Теңіз тұзы – жүйке жүйесіне жақсы әсері бар және шеткі (перифериялық) қан айналымын жақсартады.12-06-2014, 00:38
СОҢҒЫ ЖАҢАЛЫҚТАР
Екпе алмаған балаларды балабақшаға қабылдағандар жауапқа тартылуы мүмкін
Kyzylorda-news.kz. Екпе алмаған балалар мектепке дейінгі ұйымдарға кіргізілмейді, деп хабарлайды «Хабар 24» . Бұл туралы Тауарлар
Жүрегі жылы, емі шипалы
Бұрынғы аймақ басшысы Қырымбек Елеуұлының көрегендігі, іскерлігі және тынымсыз еңбегінің арқасында қаражат көздері іздестіріліп,
Қызылордада жұқпалы аурулар тіркелмеген
Kyzylorda-news.kz. Қызылорда облысында аса қауіпті инфекциялар және туберкулез ауруы бойынша эпидемиолоиялық ахуал тұрақталды.
