Қабылдау бөлімшесі
Қабылдау бөлімшесі – аурухананың құрылымдық бөлімдерінің бірі. Бөлімшенің басты мақсаты – бөлімше қызметіне жүгінген науқастардың бәрін мүмкіндігінше ауруханаға жатқызу және ауруханаға жатпағандарға шұғыл медициналық көмек көрсету. Қабылдау бөлімшесі әрқашан аурухананың «алдыңғы шебі» болып табылады. Қызметкерлердің алдында сырқаттарға қымет көрсетудің сапасы мен медициналық көмектің тиімділігін арттыру міндеті тұр. Қабылдау бөлімшесі аурухана ғимаратының бірінші қабатында орналасқан.
Бөлімшенің жауапты дәрігері Ырысбек Уәзірбекұлы ӘСКЕРБЕКОВ. Ол ІІ-ші санатты хирург дәрігер. Бөлімшеге жауапты мейірбике Рәш Әбжәмиқызы АЛМАҒАМБЕТОВА. Ол Түркістан медициналық училищесінің жалпы мейірбикелік бөлімін 1986 жылы үздік бітірп шыққан. Қазіргі таңда І-і санатты мейірбикенің еңбек өтілі – 35 жыл.
Бөлімшеде І-ші санатты 3 медбике, ІІ-ші санатты 5 медбике жұмыс істейді, 2 мейірбикенің маман серификаты бар. 5 тазалықшы және 1 күзетші еңбек етеді.
Қабылдау бөлімшесінде ҚР ДСМ-нің 12.09.2011 жылы шыққан «Стационарлық көмек көрсететін медициналық ұйымдардың қабылдау бөлімшелерінің қызметін ұйымдастыру жөніндегі нұсқаулықты бекіту туралы» бұйрығына сәйкес жұмыс атқарылады.
Қабылдау бөлімшесінің құрылымында:
1. тіркеу бекеттері (тіркеу бөлімі - дисетчерлік);
2. пациенттерді бақылауға арналған пост;
3. Диагностикалық палата;
4. Хирургиялық кіші операцияларға арналған және хирургиялық емдік шараларды жасауға арналған бөлме. Бөлме хирургиялық құрал-жабдықтармен және стерильді материалдармен қамтамасыз етілген.
5. Балаларды қабылдау бөлмесі.
6. Шұғыл түрде қабылдау бөлмесі. Бөлме электронды салмақ өлшегішімен бой өлшегішпен бірге, электрлік сорғымен, оттегі балоншасымен, «Невулайзер» аппаратымен, «Амбу» ауа қапшығымен және пульксометрмен жабдықталған.
Сондай-ақ бөлімшеде ЭКГ аппараты, дефибриллятор аппараты, кішігірім УДЗ аппараты, ЭХО-энцефалограф аппараты мониторымен бірге, SOS аппаратымен жабдықталған. Сондай-ақ ҚР ДСМ-нің 03.07.2012 ж №452 бұйрығына сәйкес «Анафилактикалық шок кезіндегі шұғыл медициналық көмек көрсетуге арналған дәрі-дәрмектер мен медициналық мақсаттағы бұйымдар тізбесі», «Ауыр эклампсия, эклампсия кезіндегі шұғыл медициналық көмек көрсетуге арналған дәрі-дәрмектер мен медициналық мақсаттағы бұйымдар тізбесі», «Акушерлік қан кетудегі шұғыл медициналық көмек көрсетуге арналған дәрі-дәрмектер мен медициналық мақсаттағы бұйымдар тізбесі» талаптарына сәйкес, ОКС, анафилактикалық шокқа қарсы қобдишалармен жабдықталған.
7. Жоспарлы қабылдау бөлмесі. Бұл бөлмеде ауруханаға жоспары түрде келген науқастар қабылданады. Сырқаттар компьютерде КМИС бағдарламасы бойынша тіркеліп отырылады.
8. Аса қауіпті ауруларға күмән болған кезде оқшаулау бөлмесі сырттан бөлек кіру есігімен, душ, әжетханамен жабдықталған.
9. Санитарлық тазалаудан өткізу бөлмесі. Мұнда ауруханаға түскен науқастардың жеке бас тазалығы қаралып, педикулезге тексеріліп, қажет жағдайда олар душ, ванна қабылдайды. Бұл бөлме орталықтандырылған ыстық және салқын сумен қамтамасыз етілген.
10. Қабылдау бөлімшесінің қасында жедел-жәрдем бөлімшесі орналасқан. Оның құрамында: дәрігер, фельдшер, диспетчер жұмыс істейді. Шақыртулар «КӨМЕК» бағдарламасы арқылы қабылданып, тіркеліп отырылады.
Жедел түрде жатуға тиіс науқастар тәулік бойына еш кідіріссіз қабылданады.
Жоспарлы науқастар – жұмыс уақытында қабылданып, ауруханаға жатқызылады.
«Жедел жәрдем» қызметі қабылдау бөлімшесіне науқасты жеткізгеннен кейін кезекші мейіргер медициналық көрсетілімдерді ескере отырып, түскен сырқаттарды топтарға бөледі (Триаж жүйесі бойынша медициналық іріктеу). Триаж жүйесі бойынша медициналық іріктеу үздіксіз және сабақтастықпен жүргізіледі. Бір пациенттің жағдайын бағалау процесі 60 секундтан аспайды. Бағалау аяқталғаннан кейін пациенттер арнайы түрлі-түсті бирка немесе түрлі-түсті лента түріндегі іріктеу санатының бір түсімен белгіленеді. Медициналық іріктеуге сәйкес пациенттер шартты түрде 3 топқа бөлінеді:
- бірінші топ (жасыл аймақ) – медициналық көмекті аздап қажет ететін және одан әрі амбулаториялық емделу үшін үйіне жіберілген пациенттер мен жоспарлы емдеуге жатқызылған пациенттер.
- екінші топ – (сары аймақ) - қабылдау бөлімшесінде төсекте жатқан шұғыл немесе кезек күттірмейтін көмек көрсетуді қажет етпейтін (немесе қабылдау бөлімшесінде бірнеше сағатқа бақылауға қалдырылған пациенттер), сондай-ақ диагнозын нақтылау мен саралауға қалдырылған пациенттер;
- үшінші топ (қызыл аймақ) – қабылдау бөлімшесінде шұғыл және кезек күттірмейтін медициналық көмек көрсетуді қажет ететін пациенттер.
Триаж жүйесінің медициналық іріктеу нәтижелері бойынша пациент дәрігердің қарап-тексеруі үшін қабылдау бөлімшесінің тиісті аймағына жіберіледі.
Ауыр жағдай келіп түскен науқастар үшінші топ қызыл аймаққа өткізіліп, сол жерде алғақы медициналық көмек көрсетіліп, жағдайы тұрақталғаннан кейін пациент бейінді бөлімшеге емделуге жатқызылады.
Пациентті стационарға емдеуге жатықызғаннан кейін мейіргер №175/2020 бұйрықпен бекітілген 001/е нысаны бойынша стаицонарлық науқастың медициналық картасын толтырады және пациентті бейінді бөлімшеге алып жүреді.
Стационарға емделуге көрсетілімдер болмаған жағдайда қабылдау бөлімшесінің дәрігері пациентке қарап-тексеру, консультация беру және диагностикалық зерттеулер нәтижелерін көрсетумен бірге қабылдау бөлімшесінде болуы туралы қорытындыны және одан әрі МСАК жағдайында емделу туралы нұсқаулықтар береді. Бір уақытта мейіргер МСАК ұйымының тіркеу бөліміне пациенттің жағдайы туралы хабарлама жібереді және учаскелік дәрігерге №175/2020 бұйрықпен бектіліген №110-1/е нысан бойынша белгі парағын тағайындайды. Науқастың диагнозы анқыталғаннан кейін бойы, салмағы өлшеніп, санитарлық тазалаудан өткізіліп бөлімшеге жеткізіледі.
Ауруханада емделіп жатқан науқастармен туыстарының кездесу уақыты:
11.00 – 13.00 – Кездесу
15.00 – 17.00 – Түскі үзіліс
17.00 – 19.00 – Кездесу.
Барлық бөлімдермен тікелей хабарласатын ішкі және сыртқы телефондар бар. Ауруханаға жедел түрде түскен науқастар аурухананың 2-ші және 3-ші қабатына арнайы лифтпен жеткізіледі.
Гинекология бөлімшесі
Қазалы темір жол ауруханасының гинекология бөлімшесі үш қабатты типтік аурухананың 1-ші қабатында орналасқан. Бөлімше 12 төсек-орынға есептелген. Бөлімшеде 3 орындық 2 палата, 2 орындық 3 палата, егу бөлмесі, асхана, манипуляция, бөлім меңгерушісінің бөлмелері бар.
Бөлімшенің негізгі мақсаты: бөлімшеге келген науқастарға жоғары дәрежелі медициналық көмек көрсету, диагноздарын анықтап, стандарттарға сәйкес жоғарғы сапалы ем жасау,дәрігерлер мен медбикелердің білім дәрежесін шыңдау, деонтологияны сақтай отырып халыққа арнайы көмек көрсетуді жақсарту.
Бөлімше меңгерушісі ІІ-ші санаттағы акушер-гинеколог Асқар Садуақасұлы Ахмедов, жұмыс өтілі - 3 жыл. Аға медбике Смет Сақыпжамал, жұмыс өтілі - 13 жыл. Бөлімшеде 1-ші санатты 5 медбике жұмыс істейді, 5 мейірбикенің маман сертификаты бар.
Бөлімшеге науқастар жоспарлы және жедел түрде түседі. Ем алушыларға түскеннен бастап толық диагноз қойылып, 20-30 минут ішінде қажетті емі басталады. УДЗ, ЭКГ кеңінен қолданылады.
Науқастарға міндетті түрде антибиотикке сезімталдығы анықталады, толық лабораториялық сараптаулар жасалады. Жедел жатыр қабынуы диагнозымен келген науқастарды тексеруде клиникалық, биохимиялық сараптамалар, электролиттер . физиопроцедуралар жасалады: УВЧ, электрофорез, соққылы-толқынды терапия, ЕДШ (ЛФК), массаж, кварц, емдік ванналар, кедр бөшкесі, вибромассаж және т.б. Емдеу барысында стандарт бойынша жаңа технологиялық дәрі-дәрмектер пайдаланылады.
Осы тексерулер мен емдеудің нәтижесінде науқастарға уақытылы және сапалы медициналық көмек көрсетіледі. Гинекология бөлімшесінде жыл сайын күрделі жөндеу жұмыстары өтеді.
Терапия бөлімшесі
Терапия бөлімшесі 20 төсек-орынға арналған. Бөлімше жаңа типті аурухананың 3-ші қабатында орналасқан. Онда 1, 2, 3 орындық палаталар бар. Сонымен бірге егу бөлмесі, асхана, аға медбике, бөлім меңгерушісі бөлмелері орналасқан. Ардагерлер, соғыс ардагерлеріне және мүгедектерге арналған палата да бар. Терапия бөлімінде гастроэнтерологиялық, кардиологиялық, кардиоревматикалық,
пульмонологиялық, гемотологиялық, жалпы терапиялық науқастар емделеді.
Бөлімшеге 1-ші санатты дәрігер кардиолог Айжарикова Бакыт Шалғынбайқызы менгерушілік етеді. Жұмыс өтілі - 27 жыл, аға медбике Жаксылыкова Райкул Утебаевна, жұмыс өтілі - 41 жыл. Бөлімшеде 1 санатты 5 медбике жұмыс істейді, 2 мейрбикенің маман сертификаты бар.
Барлық науқастарға 3 тәулік ішінде диагноз қойылады, ем алушыларға түскеннен кейін 20-30 мин ішінде ем басталады, әрі қарай емге түзетулер, қосымша мамандар кеңесі емдері қосылады.
2020 жылы бөлімде 4 оттегі концентраторы іске қосылды.
Кардиоревматикалық науқастарды тексеруде мына аппараттар арқылы тексеру жүргізіледі: ЭКГ, ЭХОКГ, СМАД, Холтер мониторы, УЗДГ, ИФА.
Пульмонологиялық науқастарға компьютерлік томография,
рентгенография, қақырық МБТ-ға, антибиотикке сезімталдығына тексеріледі. Гастроэнтерологиялық науқастарды тексеруде ФГДС, УЗИ, хеликобактерийге ИФА, асқазан рентгеноскопиясы пайдаланылады.
Сырқаттарға диагноз қоюда ФГДС, УЗИ, Rº графия, ЭКГ, ИФА, УЗДГ, Холтер мониторы, СМАД, компьютерлік томография тәсілдері кеңінен қолданылады.
Барлық науқастарды тексеруде клиникалық, биохимиялық сараптамалар, соның ішінде КШС, тропонин, электролиттер, КФК және серологиялық байқаулар пайдаланылады. Барлық науқастарға өзінің диагнозына байланысты физиопроцедуралар жасалады: УВЧ, Электрофорез, соққылы-толқынды терапия, ЕДШ (ЛФК), массаж, кварц, биоптрон, экран, ультратон, емдік ванналар, кедр бөшкесі, вибромассаж және т.б. Емдеу барысында стандарт бойынша жаңа технологиялық дәрі-дәрмектер пайдаланылады.
Осы тексерулер мен емдеудің нәтижесінде науқастарға уақытылы және сапалы медициналық көмек көрсетіледі.
Неврологиялық бөлімше
Теміржол ауруханасының неврологиялық (жүйке) бөлімшесі типті аурухананың 2-ші қабатында орналасқан. Бөлімше 10 төсек-орынға арналған. Бөлімшеде бас ауруы, бел ауруы, ми қан тамырларының зақымдалуымен ауырған науқастар емделеді. Бөлімшеде 1 дәрігер жұмыс істейді.
Бөлімше меңгерушісі – Өтеулі Шолпан Қарақұлқызы, аға мейірбикесі – Елюбаева Іңкәр Уликпанқызы.
Жауапты мейірбике, ауысымдағы мейірбикелер және кіші мейірбикелер жұмыс атқарады. Бөлімшеде дәрігерлер, егу бөлмесі, санитарлық бөлмелер, шаруашылық бөлмесі, асхана бар. Палаталары 5, 4 және 2 адамдық бөлмеде сервистік палаталар жұмыс жасайды. Науқас жататын бөлмелер тұрмысқа қажетті барлық заттармен қамтамасыз етілген. Емдеу барысында стандарт бойынша жаңа технологиялық дәрі-дәрмектер қолданылады.
Барлық науқастарға өз диагнозына сәйкес физиопроцедуралар жасалады: ультражоғары жиілікті (УЖЖ-УВЧ), электрофорез, соққылы–толқындық терапия, емдік дене шынықтыру (ЕДШ), массаж, кварц, «Биоптрон», «Экран», «Ультротон» жабдықтары арқылы ем, емдік ванналар қолданылады. Бұл тексерулер мен емдеу нәтижесінде науқастарға дер кезінде және сапалы медициналық қызмет көрсетіледі. Бөлімше қызметкерлері өз білім деңгейлерін ұдайы жетілдіріп тұрады. Бөлім қызметкерлері аурухананың дамуына барынша өз үлестерін қосуда.
Хирургиялық бөлімше
Қазалы темір жол ауруханасының хирургиялық бөлімшесі үш қабатты типтік аурухананың 2-ші қабатында орналасқан. Бөлімше 15 төсек-орынға есептелген. Бөлімшеде 5 орындық 4 палата, 3 орындық 1 палата, 2 орындық 2 палата, 1 орындық 3 палата, таза таңу бөлмесі, іріңді таңу бөлмесі, егу бөлмесі, асхана, клизма жасау бөлмелерінен тұрады. Операция жасау бөлімі, манипуляция бөлмесі, плазмаферез бөлмесі, стерилизация бөлімі бөлек қанатта орналасқан. Сол себепті қазіргі кездегі стандарттарға сай ота жасау мүмкіншілігі бар.
Операция жасау бөлімі үлкен және кіші зал, операция алды бөлмесі, дәрігерлер бөлмесі, мейіркештер бөлмесі, стерильді аспаптарды сақтау бөлмелерінен тұрады. Операциялық құралдардан: видеолапароскопиялық қондырғы, травматологиялық, жалпы хирургиялық, нейрохирургиялық жиынтықтармен толық жабдықталған.
Хирургия бөлімшесінің меңгерушісі бірінші санатты дәрігер-хирург Ахмедов Садуақас Абибуллаұлы, жұмыс өтілі – 29 жыл. Травматолог-ортопед дәрігер жоғары санатты Амангелді Қуантқанұлы Қанатов, жұмыс өтілі - 29 жыл.
Бөлімшеде 2012 жылдан бастап жоғары мамандандырылған травматологиялық-ортопедиялық көмек көрсетілуде. Осы аралықта жамбас буындарын ауыстыру, сынған сүйектерді интрамедуллярлық остеосинтездің қазіргі заманғы әдістерімен қалпына келтіру оталары жасалады. «С-дуга» құрылғысы 2016 жылы алынып, ота барысында кең қолданылуда. Лапароскопиялық қондырғы 2002 жылы алынып жұмыс істеуде. Лапароскопиялық оталардан холецистэктомия, асқазан ойық жарасын тігу, аппендэктомия оталары жасалуда.
Травматолог-ортопед дәрігер жоғары санатты Қанатов Амангелді Қуантқанұлы, жұмыс өтілі - 29 жыл.
Уролог дәрігер Жасанов Е.Е жедел және жоспарлы түскен урологиялық науқастарға көмек көрсетеді. Жұмыс өтілі - 17 жыл
2015 жылдан бастап 15 орындық нейроинсульт бөлімшесі ашылды. 2 дәрігер нейрохирургиядан дайындықтан өткен. Нейрохирургиялық жарық түсіргіштер, ота жасауға арналған микроскоп, видеолапароскопиялық орталыққа қосатын нейрохирургиялық жапсырма, электротрепан, доғалық рентгеноскоп аппараттары алынып, жылына 10-15 ке дейін трепанация жасалуда.
2020 жылы хирургиялық бөлімшеде күрделі жөндеу жұмысы жасалды. Барлық есік, терезелер пластикке ауыстырылды, палаталардың едендеріне паркет салынды.
Осы қабатта реанимация бөлімі 8 орындық болып жұмыс істеп тұр. Реанимация бөлімі 8 төсек орынға есептелген. Реанимация бөлімі орталықтандырылған оттегі орталығына қосылған. Барлық құрал-жабдықтармен: мониторлар, дефибриллятор, тыныс алдыру аппараттарымен және дәрі –дәрмектермен толық қамтамасыз етілген. 2021 жылы «Фабиус» атты операция кеізнде жасанды тыныстандыру аппараты алынды.
Ақылы бөлімше
Ақылы бөлімшенің басты мақсаты - ауруханаға келген әрбір науқасқа сапалы әрі білікті мамандандарылған және заманауи технологиялар арқылы қызмет көрсету. Қазалы темір жол ауруханасының ақылы қызмет бөлімшесі 04.07.2007 жылдан бастап өз қызметін «Ақылы бөлімше» болып бастады. Пациенттерді стационарға емдеуге жатқызу тәулік ішінде жүргізіледі. Емдеуге жатқызу күні түскен уақытына қарамастан емдік-диагностикалық ем-шаралар тағайындалады және емдәмдік тамақтандыру ұйымдастырылады.
Ақылы бөліме 3 қабатты ғимараттың 1-ші қабатында орналасқан. Науқастардың қолайлы емделуі үшін 1 орындық стандартты 2 палата және 2 адамдық 4 палата бар. Олар себізгімен, тазалық - торабымен, теледидармен, тоңазытқышпен жабдықталған және барлық палатада әжетхана орналастырылған, ыстық сумен жабдықталған. Барлық палаталар жарық, бөлмелердің бәріне пластикалық есік, терезелер орнатылып, едендері паркетпен жабылған.
Көк тамырға және бұлшық етке егу үшін ем қабылдау бөлмесі бар. Ол барлық қажетті құралдармен, дәрі-дәрмекпен жабдықталған.
Емдеудің ең бір негізгі құрылымы дұрыс емдік тамақтану болып табылады. Оны аурухананың кәсіби аспаздары дайындайды. Науқастар асты әдемі, жарық, таза асханада қабылдай алады. Асханада ыстық су үнемі үзіліссіз ағып тұрады. Онда науқастарға арналған «Денсаулық дастарханы» деп аталатын диеталық тағамдар тақтасы бар.
Қарыштап алға басқан медицина саласы білім жетілдіруді қатал талап етері сөзсіз. Ауруханада емделу кезінде қолайлы жағдайлар жасау, аурухана ғимаратындағы мінсіз тазалық пен тәртіп, дәрігерлердің мүлтіксіз кәсібилігі, медициналық қызметкерлер тарапынан моралдық көмек пен мейірімді қарым-қатынасты барлық ақылы сервистік қызмет бөлімінде емделген науқастар атап өтуде.
Қиын жағдайға тап болған жағдайда адамдар көбінесе осы ақылы қызмет бөлімшесінде ем қабылдауға тырысады. Себебі олар өздеріне стационарда ауруларын жеңіп шығатындай сапалы кепілдендірілген көмек көрсетілетініне сенімді.
Емделушілерге қамқорлық көрсету — бұл үлкен құрмет және жауапкершілік. Өз денсаулықтарын ауруханамыздың кәсіби мамандарына сеніп тапсырып, мыңдаған адамдар күн сайын денінің саулығына, болашақтағы еңбек қабілеттігіне деген сеніммен өмір сүреді.
«Қазалы теміржол ауруханасы» ел талғамынан табылып жүрген іргелі мекеме. Нарықтың сынағынан сүрінбей өтіп, қалыптасуына бас дәрігердің сіңірген еңбегі ерекше. Ол «өзіне талап қоя білу, ұстамдылық пен мақсат қоюшылық – нағыз медициналық қызметкердің сапасын анықтайтын қасиеттер» - дейді. Мекеме табысының кепілі ұжымның жоғары кәсіби біліктілігі, қызметкерлер білімдерін жетілдіру, оның ішінде науқастарға деген мейірімділік пен қамқорлық қарым-қатынастың жасалуы екенін атап көрсетеді.
Талмай ізденетін басшы өзгелерден де соны талап етеді. Ауруханадағы дәрігерлердің басым бөлігі жоғарғы және бірінші санатты болуы сөзіміздің дәлелі.
Ақылы бөлімшеде: бірінші санатты невролог дәрігер Жиенкулов Талғат Алданұлы, бірінші санатты терапевт дәрігер Айжарикова Бақыт Шалғынбайқызы, бірінші санатты невролог дәрігер Өтеулі Шолпан Қарақұлқызы, бірінші санатты хирург-уролог дәрігер Жасанов Ерболат Ермекбайұлы, үшінші санатты терапевт дәрігер Қайырбаева Маржан Жарекқызы және Сайрамбек Айшолпан Сайрамбекқызы жұмыс істейді.
Бес медбике,олардың ішінде жоғары санатты медбике Мусаева Хадиша Абди-Камаловна, Абильдаева Баян, бірінші санатты медбике Өтеп Мақпал, Жұбатқанова Рауза, екінші санатты медбике Сәрсенбай Жұлдызай, үшінші санатты медбике Ауезханова Асылзат сынды орта буынды қызметкерлер қызмет атқарады.
Бөлімшеде терапиялық бейін бойынша жүрек-қан тамырлар ауруларын, асқазан, жүйке ауруларын жоспарлы емдеу, алдын-алу шаралары жүргізіледі.
Аурухана заманауи технологиялармен, оның ішінде УДЗ кабинеті, компьтерлік томография, ФГДС, рентген кабинеттерімен жабдықталған. Ақылы бөлімеге келген науқастар өз диагноздарына сәйкес физиотерапевтік кабинетте массаж, кедр бөшкесі, емдік ванна, парафин, т.б. токпен әсер ету және массаж түрлерін қабылдай алады.
Аурухана дәріханасы
Теміржол ауруханасының дәріханасы типті аурухананың 1-ші қабатында орналасқан. Ауруханаішілік дәріханада 2 провизор, 2 фармацевт және 2 тазалықшы жұмыс істейді. 
Дәріхана жұмысына жауапты жоғары санатты провизор дәріхана меңгерушісі Қарабала Кулайша Жалиқызы. 2018 жылы болған Республикалық «Жылдың үздік провизоры» сайысына қатысып 1-ші орын иегері атанды. ДС министрі Біртановтың атынан «Үздік провизор» статуясымен және дипломмен марапатталды. Сонымен қатар дәріханада провизор аналитик Қабылова Салтанат, фармацевтер Айтмырзаева Асем, Демекбай Гулбақыт жұмыс істейді. Дәріханада ыдыс жуу бөлмесі, заласыздандыру бөлмесі, ассистент бөлмесі және асептикалық бөлмесі, санитарлық бөлмелер, шаруашылық бөлмесі, демалыс орны бар. Дәріханада егуге арналған, құюға арналған сұйық дәрілер, ішуге және сыртқа қолдануға арналған сұйықтар, жақпа майлар, ұнтақтар және көз дәрілері – барлығы 40-қа жуық түрлі дәрілер дайындалады.
Оған қоса аурухананың 3-ші қабатында дәріхана қоймасы орналасқан. Онда сангигиена бөлімі, дайын дәрілер бөлімі, дезинфекциялық заттар қоймасы, , спиртті сақтайтын бөлме орналасқан. Аурухананың 1-ші қабатында дәріхана мен ақылы бөлімде науқастарға берілетін дәрілер сақтайтын бөлме. есірткілік және психотроптық заттарды сақтайтын бөлме орналасқан. Дәрілерді бөлімшелерге және медпунктерге дәріхана меңгерушісі береді. Ай сайын "1-С” бағдарламасы бойынша айлық есеп жүргізіледі, материалдық есеп құрастырылады. Дәріханада өрт қауіпсіздік дабылы мен есірткі және психотропты дәрілер сақтайтын бөлмеде жарықты дыбыстық дабылы орналасқан және ол аудандық күзет бөліміне қосылған.
Ауданда су сапасының өте нашар болуына байланысты дәріханада "Гейзер” сүзгіші сорғышымен қосылған және сүзгіден аққан суды жинау үшін 2000 и 1000 литрлік су жинайтын құты орналасқан.
Стерильді дайындаған дәрілердің "К-2” және "К-3” қақпағын жабатын аппарат қолданылады. Оның біреуі 1994 ж. Болгарияда жасалған, ал екіншісі – 2010 ж Тюменде жасалған. 2010 ж жаңадан электронды таразы алынды ұнтақ өлшеуге.
Дәріханада негетоскоп "УК-2” бар, дайындалған дәрілердің ішіндегі қосалқы түйіршіктерді тексеру үшін арналған.
Дәріханада 2010 ж алынған рефрактометр. Рефрактометрмен дайындаған дәрілердің концентрациясы тексеріледі.
Дәріханада дайындалған дәрілерге толық фармхимиялық тексеру жасалады, сонымен қатар тазартылған залалсыздандырған судың сапасы күнделікті тексеруден өткізіледі.
Екі "ВК-75” – 2010 ж және 2016 ж автоклавтары бар, дистиллятор "АЭ-25” – 2009 ж және 2020 ж алынған АЭ-25 дистилляторлары бар. Натрий хлориді ұнтағы мен шыны құтыларды залалсыздандыруға арналған термостат бар.
Қазалы теміржол ауруханасының нейроинсульт орталығы
Облыстық денсаулық сақтау басқармасының 2016 жылғы №178 бұйрығына сәйкес 2016 жылдың 15 ақпанында 20 төсек орынды нейроинсульт орталығы Қазалы теміржол ауруханасынан ашылды.
Негізгі мақсат: бөлімшеге келген науқастарға жоғары дәрежелі медициналық көмек көрсету, диагноздарын анықтап, стандарттарға сәйкес жоғарғы сапалы ем жасау. Дәрігерлер мен медбикелердің білім дәрежесін шыңдау, деонтологияны сақтай отырып халыққа арнайы көмек көрсетуді жақсарту.
Қабылдау бөлімінде науқасты қабылдағаннан кейін науқастың маңызды тіршілік қызметтері, жалпы жағдайы, Глазго комасы шкаласы бойынша науқас санасының деңгейін, неврологиялық статусы бағаланып, лабораториялық және аспаптық тексеру ұйымдастырылады.
Витальды қызмет бұзылысы (санасының бұзылысы, тыныс, жүрек - тамыр қызметінің бұзылысы (аритмия, жүрек тоқтауы) бар жоғы ескеріліп, ЭКГ, кубитальды катетер қою, гематологиялық тексеру (20 мин.), тромбоцит, гематокрит, АЧТВ, ПВ - МНО, фибриноген, қансырау уақытын анықтау, гемоглобин, лейкоцит, қандағы қант деңгейі анықталады.
Оксигенотерапия, ИВЛ, оро - немесе назотрахеальды интубация, АҚҚ коррекциясы, антиаритмиялық терапия (реанимациялық шаралар) жасалады. Қабылдау бөлімінде 24 сағат бойы қызмет ететін ми КТ-сы (20 мин.) жасалып, инсульт түріне байланысты, ишемиялық инсульт болған жағдайда медикаментозды реперфузионды терапия жүргізу жөнінде мәселені шешу (алғашқы 3 сағатқа терапиялық терезе уақытына сай болғанда), реанимациялық палата жағдайында.
Геморрагиялық инсульт болған жағдайда науқас нейрохирургпен қаралғаннан кейін егерде жедел гидроцефалия, хирургиялық қолжетімді ауқымды бас ми ішілік гематома анықталса науқасқа жедел түрде нейрохирургиялық ота жасалады. Қалған геморрагиялық инсульттар реанимация бөліміне жатқызылып, гемодинамикалық көрсеткіштері, бас ми ісінуі мен шемені басылған кезде инсульт бөлімінің интенсивті терапия палатасына жатқызылады, барлық жалпы милық және ошақтық неврологиялық белгілер басылғаннан кейін, науқас жағдайын қалпына келтіру мақсатында науқасты ішкі лимит арқылы нейрореабилитация бөліміне ауыстырылады.
Қызылорда облыстық денсаулық сақтау басқармасының басшысы А.Ш.Әлназарованың №178 бұйрығына сәйкес 2016 жылдың 15 ақпан айынан бастап Қазалы теміржол ауруханасынан ашылған инсульт орталығы қызметін жоғары сапалы медициналық көмектер көрсетуде.
Ауруханада инсульт орталығының ашылу себебі ауруханада:
1. Тәулік бойы КТ диагностика тексерулері.
2. Тәулік бойы лабороториялық қызмет.
3. Экстракраниальды тамырларды дуплексті сканерлеу.
4. Мамандандырылған дәрігерлер (невролог - 4, реабилитолог - 1, Реаниматолог - 5, нейрореаниматолог - 2, нейрохирург - 1, кардиолог - 1, окулист - 1, функциональды диагностика дәрігері - 1, логопед - 1, психолог - 1).
5. Тәулік бойына кезекшілікпен қамтамассыз етілген реанимациялық бөлімше.
Ауруханада тәулік бойы КТ диагностика, лаборотория, Экстракраниальды тамырларды дуплексті сканерлеу, невролог, нейрореаниматолог, кардиолог мамандарымен толық қамтамасыз етілген.
Науқасқа 20 - 40 минут көлемінде бүкіл тексерулер жүргізіп, мамандармен кеңес алынып, нақты диагноз қойылып тромболизистік немесе оперативті ем жүргізіледі.
Дәрігерлермен, мейірбикелермен және кіші буын медицина қызметкерлерімен толық қамтамасыз етілген.
Сонымен қатар Инсульт орталығында қазіргі таңда ерте оңалту бөлімі -10 төсек, кеш оңалту бөлімі - 10төсек жұмыс істейді. Онда науқастарды жоспарлы түрде қабылдап, емдеу іс-шаралары жүргізіледі.
Қазалы теміржол ауруханасы ЖШС нейроинсульт орталығын 1 категориялы невролог Талғат Алданұлы басқарады, жауапты мейіркеші Елюбаева Іңкәр Ұлықпанқызы.
Реанимациялық бөлімше
Жан сақтау (реанимациялық) бөлімше 1995 жылы ашылған. Бөлімше ғимараттың 2-ші қабатында бір корпуста орналасқан. Штаттық реанимациялық төсек саны – 9, нақты - 5. Бөлімшені І санатты дәрігер, анестезиолог – реаниматолог Қуанышбаев Ж.С. басқарады. Жан сақтау бөлімшесінде тұрақты (штаттық) персонал саны бар: дәрігерлер-3. І-санатты дәрігер Қалилаев Д. Б., І санатты дәрігер Төлегенов Б. О., Бекеев А.С. Бөлімшенің І санатты аға мейіргері Аханова Г. Ш., орта медициналық персонал - І санатты Сейтмамбет К. К., Маханова О. О., Захар Л. Н., ІІ санатты Шәкім Ф. М., Жұбанов А. Т.
Бөлімшенің бейіні аралас, балалар, хирургиялық, неврологиялық, терапиялық бөлімше ретінде басқа бөлімшелермен өзара байланысты және сабақтастықты жүзеге асырады. 2016 жылы нейроинсульт бөлімшесі ашылды. Операция алдында дәрі-дәрмекпен дайындауды және операциялар, диагностикалық және емдік рәсімдер кезінде анестезия жүргізуді, сондай-ақ наркоздан кейінгі кезеңде науқастардың жай-күйін бақылауды жүзеге асырады.
Көрсетілімдер бойынша реанимация және қарқынды терапия палаталарында науқастарға экстракорпоралдық детоксикация және гипербарикалық оксигенация әдістерімен ем жүргізіледі.
Жансақтау бөлімшесі заманауи аппараттармен жабдықталған:
- Өкпені желдетуге арналған "Drager Savina 300" аппараты
- Өкпені желдетуге арналған "Drager Fabius Tiro" аппараты
- "РО-6-06" наркоз аппараты»;
- Наркоз аппараты " РО-03-06»
- "Поток" балалар тыныс алу аппараты»
- Анестезия және қарқынды терапия кезіндегі науқастың функционалдық жағдайының "MINDRAY РМ - 7000" мониторы
- Балалар мониторы
- "ЭЛЕМА-НАМ 1" электроаспираторлар (сорғыштар);
- "YTEC ОМ-1" электр аспираторлары (сорғыштар)»
- пульсоксиметрлер " Pulse Oximeter»
- пульсоксиметр "OXY500»
- функционалдық механикалық матрац "Armed»
- Ойылуға қарсы матрацтар
- ПЕРФУЗОРЛАР (шприцті сорғылар) "SEP-10»;
- Синхрондалатын дефибриллятор " ДФР-2»
- ЭКГ аппараттары;
Әрбір палата орталықтандырылған оттегімен қамтамасыз етілген:
- оттегі концентраторы 7F-5W Oxygen Concentrator
- Oxygen концентраторы оттегі концентраторы
-7 F-1L "Armed" оттегі концентраторы
- "ЕРОС" газ бен электролиттердің, қан метаболиттерінің портативтік талдауышы»
– Экспресс-диагностиканың" Triage Meter Pr" - "Shangrila 510" портативті наркоз жүйесі
- УДЗ аппараты.
Анестезиология, реанимация және қарқынды терапия бөлімшесі жансыздандыру, реанимация және қарқынды терапияны толыққанды жүргізу үшін қажетті мөлшерде дәрі-дәрмектермен және инфузиялық құралдармен жабдықталған (жаппай түскен жағдайда бөлімшеде әрбір мекеме үшін саны мен номенклатурасы бойынша бекітілетін қол сұғылмайтын қор құрылады). Бөлімше өз қызметін ҚР ДСМ 16.09.2017 ж. № 763 нормативтік-құқықтық актілеріне (НҚА) сәйкес атқарады.
Балалар бөлімшесі
Қазалы темір жол ауруханасының балалар бөлімшесі үш қабатты типтік аурухананың 1-ші қабатында орналасқан. Бөлімше 12 орынға есептелген. 2019 жылдан бастап 4 төсек орынға арналған балалаларды қайта қалпына келтіру палатасы ашылды.
Бөлімшеде 5 палата, егу бөлмесі, асхана, бөлімше меңгерушісінің бөлмесі бар. Бөлімше әр тақырыптағы үнпарақтармен безендірілген. Ауруханада күн тәртібі туралы, аналарға арналған ереже жасалып, көрнекті жерге ілінген. «Денсаулық бұрышы» ұйымдастырылған. «Медициналық көмектің кепілді көлемі туралы» ақпарат, «Заң кодексі», «Дені сау баланы тамақтандыру», «Аналарға арналған кеңес», «Баланы ана сүтімен тамақтандыру ережесі туралы» көрнекті құралдар ілінген.
Бөлімшенің негізгі мақсаты - бөлімшеге келген науқастарға жоғары дәрежелі медициналық көмек көрсету, диагноздарын анықтап, стандарттарға сәйкес жоғарғы сапалы ем жасау, сондай-ақ дәрігерлер мен медбикелердің білім дәрежесін шыңдау, деонтологияны сақтай отырып халыққа мамандандырылған көмек көрсетуді жақсарту.
Бөлімше меңгерушісі ІІ-ші санаттағы дәрігер ЕЛУБАЕВА Жанагуль Саркытовна, жұмыс өтілі - 3 жыл. І -санаттағы аға медбике Таңатова Гүлжахан, жұмыс өтілі - 36 жыл.
Бөлімшеге науқастар жоспарлы және жедел түрде түседі. Ем алушыларға түскеннен бастап толық диагнозы қойылып 20-30 минут ішінде емі басталады. Науқастарға міндетті түрде антибиотикке сезімталдығы анықталады, толық лабораториялық сараптамалар жасалады. Науқас балаларға тар буынды мамандар кеңесі жасалып, қосымша емдер қосылады. Науқастарға ауруханада бар соңғы үлгідегі сараптамалар, аспаптық тексерулер, «Невулайзер» аппаратымен ем жасалады. Емдеу барысында стандарт бойынша жаңа технологиялық дәрі-дәрмектер пайдаланылады. Физиопроцедуралар жасалады: УВЧ, электрофорез, соққылы-толқынды терапия, ЕДШ (ЛФК), массаж, кварц, емдік ванналар, вибромассаж және т.б. Осы тексерулер мен емдеудің нәтижесінде науқастарға уақытылы және сапалы медициналық көмек көрсетіледі.
Аптасына 2 рет күтуші аналарға әңгіме-кеңес жүргізіледі. Бөлімше қызметкерлері салауатты өмір салтын қалыптастыру мақсатында жемісті қызмет атқаруда.
