Интерактивтік сабақ өткізді

Интерактивтік сабақ өткіздіҚызылорда облысы Төтенше жағдайлардепартаментінің Азаматтық қорғанысбөлімінің қызметкерлері, «Оңтүстік өңірлікаэроұтқыр жедел құтқаружасағы» ММ құтқарушылары және Ішкі істер министрлігі Төтеншежағдайлар комитетінің «Апаттар медицинасыорталығы» ММ Қызылордаоблыстықфилиалының дәрігерлерімен бірлесіп, онлайн режимінде «Бүкіләлемдік азаматтыққорғаныс күні» тақырыбындаинтерактивтік сабақ өткізді. Онда Қызылорда облысының 28 мектебінен 1245 оқушысымен 102 мұғалімі сала мамандарымен тікелейбайланысқа шықты.

Сабақ Азаматтыққорғаныстың даму тарихынанбасталды. Сабақ барысындаҚызылорда облысы Төтеншежағдайлар департаментінің Азаматтыққорғаны бөлімінің аға офицері аға лейтенанты Ж.ЖүгінісовАзаматтық қорғаныстың негізгіміндеттері мен принциптерітуралы айтты.

Сондай-ақ Азаматтыққорғаныс бөлімінің бастығыподполковник С. Сыздық төтеншежағдайлар кезіндегі қауіп пен қатер туралы азаматтардықұлақтандыру, қауіпсіз аудандарғатұрғындарды көшіру, зардап шеккен тұрғындарды біріншікезекте қамтамасыз ету шаралары және оларға панахана ұсыну туралы егжей-тегжейлітоқталды. Сонымен қатар тыңдаушылар апаттардыжою, авариялық құтқаружұмыстары кезіндегі құтқарушылардың іс-әрекетіжәне қорғану құралдарытуралы тұшымды мәлімет алды.

Сабақтың қорытындыбөлімінде оқушыларға ҚР ІІМ ТЖК Көкшетау техникалықинститутытуралы имиджді бейнероликкөрсетілді және КТИ-на оқуға қабылданатын үміткерлерге қойылатыннегізгі талаптар туралы қысқаша айтылды.

А.Мейрамбеков,

Қызылорда облысы ТЖД

азаматтық қорғаныс бөлімініңаға офицері,

аға лейтенант

http://syrboyi.kz/zedelnews/18052-interaktivtk-saba-tkzd.html
21-02-2018, 21:28

«Кепілдендірілген тегін медициналық көмек» пакетін оңтайландыру қажет

«Кепілдендірілген тегін медициналық көмек» пакетін оңтайландыру қажет

 

Мемлекет тарапынан кепілдік берілген медициналық қызметтер пакетін оңтайландыру қажет. Денсаулық саласындағы білікті сарапшы Серік Тәңірбергенов мұның себебін былайша түсіндіреді.

Жалпы, бұл туралы Қазақстанда тұратын әрбір адам білгені абзал. Оның үстіне, бұл мемлекет басшысының биылғы Жолдауында айтылған маңызды тапсырмалардың бірі. Сөзім түсінікті болу үшін мынадай мысал келтіре кетейін:

Үш адамнан құралғанқазақстандықотбасы осыдан 14 жыл бұрын қаланыңбір шетінен шағын ғана екі бөлмелі пәтер сатып алды делік. Тіпті, сол кездің өзінде де бұл аса бір ұтымды дүние емес-ті. Дегенмен пәтерден пәтерге көшіп, тапқаны пәтерақыдан артылмайтын отбасы мұны уақытша баспана деп қабылдады. Болашақта ақша жинап үлкенірек, жайлы пәтер сатып алуды жоспарлап қойды. Бірақ жыл артынан жыл өтіп, отбасы үлкейді. Жалғыз ұл үйленіп, дүниеге немере келді. Енді екі бөлмелі шағын пәтерде білдей үш буын өкілі тұрады. Алтауының сұранысы да, қажеттіліктері де әртүрлі. Оның үстіне, талай жылдан бері жөндеу көрмегенүйдің тозығы жетіп, жүйкені жұқартып тұрған жайы бар…

Біз бүгінде медицина саласындағы «мемлекеттік кепілдік пакеті» деп атап жүрген тегін медициналық көмектің кепілдендірілген көлемі (ТМККК) төңірегіндеқалыптасқан ахуалды осы мысалмен салыстыруға болады. Бұл жерде «уақытша» деп сатып алынған пәтер осы ТМККК пакеті болса, шағын пәтер тұрғындары – соңғы кезде саны да, сұраныстары да едәуір артқан Қазақстан халқы. Оның мемлекеттен де күтері көп.

Үкімет қаулысымен бекітілетін ТМККК-нің қазіргі форматы 2004 жылы жасалды. Кепілдендірілген көмек тізімінде тегін медициналық көмектің барлықтүрлері мен формалары, қызмет көрсету тәртібі және ақысы мемлекет тарапынан төленбейтін қызметтердің де кейбір түрлері атап көрсетілген.

Кәсіби тұрғыдан алып қарағанда, бұл құжат Қазақстанда медициналық көмектіңкез-келген түрін тегін көрсетуге кепілдік берілгенін білдіреді. Құжат жыл сайын жаңартылып отырады. Бірақ ол жәй ғана косметикалық сипатқа ие. Тегін медициналық тексеру түрлері егжей-тегжейлі жазылғанымен, онда ауруханалар қызметін немесе жаңа технологияларды сипаттауда үлкен «кемшіліктер» бар. Шынында, асау қарқынмен дамитын медицина саласы үшін бұлқауіпті құбылыс. Салдарынан қағаз жүзінде қолжетімді болып көрсетілген медициналық көмекке шын мәнінде қарапайым халықтың қолы жетпей жүр, ал медицина ұйымына кіріп-шығу қиынның қиынына айналды…

Мұның себебі неде? Бұл тізім бекітілген 2004 жылдан бері көп нәрсеөзгерді. Қазіргі заманғы медицинаныңмүмкіндіктері де, елдегі сырқаттану құрылымы да, пациент те өзгеше бүгінде. Өзгермеген тек ТМККК құрылымы ғана.

Былайша айтқанда, ТМККК пакеті технологиялық инфляцияға ұшырады. Он бес жылда дәрі-дәрмекқұралдарының да бірнеше буыны ауысып үлгерді. Мысалы, қазақстандықтардыңсүйікті антибиотиктері осыдан 10 жыл бұрын сепсисті бірнеше күнде емдеп-жаза алатын болса, бүгінде тіпті, қарапайым деген инфекцияларға да шамасы жете бермейді. Себебі, инфекциялар дәрілік препараттарға төзімді болып алған. Қатерлі ісікті емдеуге арналған таргеттік дәрілер пайда болды. Бұрын-соңды біз мұны армандауға да жүрексінетінбіз. Лабораториялық диагностика толығымен автоматтандырылды. Қанды әйнекке тамызып зерттеу әдісі бүгінде көп жерде қолданылмайды, ал ультрадыбыстық зерттеу нәтижесінде жүктіәйелдің қолына 3D-видео берілетін болған.

Қазақстан халқының саны 3 миллионға артып, 18 миллионға жетті. Қарттар мен балалардың үлесі артты. Халықтың өмір жасы 6 жылға ұзарып, бұрынғыға қарағанда ұзағырақөмір сүре астадық. Бұрын өлім-жітімнің дені түрлі жарақаттар салдарынан болатын болса, бүгінде ол жалпы өлімге негіз болатын 3 түрлі себептің қатарынан шығарылды. Үштікте тек созылмалы аурулар ғана қалды. Енді «екі бөлмелі пәтер тұрғындарының» басым бөлігін қарттар мен балалар құрайды. Олардың медициналыққызметтерді де көбірек тұтынатыны даусыз. Ал, кепілдендірілген көмекті пайдаланушылардың жұмысқақабілетті бөлігі болса денсаулығын күтіп, профилактикалық тексерулерден өтуді әдетке айналдырмаған. Дегенмен рынок бір орында тұрмайды. Медицина индустриясы саласындағы жетістіктердің бір бөлігі жеке меншік клиникаларда пайда бола бастады. Әрине, тегін емес, ақылы. Осыдан кейін «тұрғындар» өздерінің«екі бөлмелі пәтері» мен анда-санда көріп жүрген «мәрмәр мен әйнектен салынған еңселі тұрғын үйді» салыстыра бастайды. Бұл — заңды құбылыс.

Бұл салада өзгермеген тағы бір нәрсе бар. Ол — Қазақстанның денсаулық сақтау саласындағы қаржы тапшылығы мәселесі.

Cебебі, 2010 жылдан бастап ұлт денсаулығына жұмсалатын шығын тұрақты түрде қысқарып, ішкі жалпы өнімнің (ІЖӨ) 3,4 пайызына дейін төмендеді. Ал, даму деңгейі бізбен бірдей елдер денсаулық сақтау саласына ішкі жалпы өнімінің жоқдегенде 6,3 пайызын бөліп отырады. Ал, біздің елде салаға жұмсалатын мемлекеттік шығын үлесі жылдан жылға төмендеуде. Есесіне, сіз бен біздің қалтамыздан шығатын жеке шығын көлемі жыл сайын артып отыр. Отандық экономикамыз тұралап тұрмаса да, денсаулық саласына салынатын инвестиция жағынан біз Африка елдерінің деңгейіндеміз.Өкінішті. Соған қарамастан медицинамыздың Еуропадағыдай болғанынқалаймыз.

14 жыл ішінде Қазақстан дәрі-дәрмек, қосалқы материалдар мен медициналық қондырғылар импортына тәуелділіктен арылған жоқ, ұлттық валютамыз да бірнеше мәрте девальвацияға ұшырады. Мемлекет тарапынан кепілдік берілген медициналық қызметтердің көпшілігіне деген сұраныс төмен. Барлығы 2 мыңға жуыққызметтің 300-іне ғана сұраныс жоғары. Бірақ соның өзі тиісінше қаржыландырылмайды. Жетілдірілген, жаңа қызмет түрлеріне көшудің орнына, бар ақша сұраныс төмен әрі ескірген бес қызметке «жұғын» болып жатыр.

Осыны ойласаң, медициналық қызмет рыногындағылардың(медициналық клиникалардың) кепілдендірілген көмектің(ТМККК) қазіргі тізіміне неліктен көңілі толмайтынын түсінесің. Өйткені, олардан болмайтын, өнбейтін іс талап етіледі. Яғни, қазіргі талаптар бойынша медицина ұйымдары осыдан 14 жыл бұрынғы бағаға, ескірген материалдармен «жаңаша» қызмет көрсетуге міндетті. Өкінішке орай, асүйінде екі кісі айнала алмайтын ескі пәтерде отырып, өзіңді жаңа тұрғын үй кешенінде отырғандай «сезіне» алмайсың.

Жалпы, бұл мәселеніңөзектілігі соншалық, соңғы кезде оған мемлекеттік деңгейде басымдық беріле бастады. Оған елбасының биылғы жолдауындағы «мемлекеттіңміндеттемелері нақтылап, кепілдендірілген тегін медициналық көмек пакетінің жаңа нұсқасын әзірлеу» туралы тапсырмасы осы сөзіміздіңайғағы болса керек.

Бірақ бұл оңай шаруа емес. Кепілдендірілген көмек пакетін (ТМККК) қайта қарау процесі тегін медициналық қызметтердің жаңа тізімін жасаумен ғана шектелмейді. Сайып келгенде, бұл этикаға, басымдықтарды таңдау, техника мен қоғамдық консенсусқа келіп тірелетін мәселе. Енді осы мәселелердіқысқаша қарастырсақ.

ЭТИКАЖӘНЕ БАСЫМДЫҚТАР

ТМККК пакетін оңтайландыру қажеттігі даусыз. Бірақ осы жерде неден (қандай қызметтерден) бас тарту керек деген сұрақтың басы қылтиятыны тағы рас. Меніңше, оған жауап беру үшін қаншақаражат жұмсауға мүмкіндігіміз бар және қаржыны ең алдымен неге бөлген дұрыс деген екі мәселені шешіп алуымыз керек. Себебі денсаулық сақтау жүйесінің міндеті экономиканы орасан зор шығынға батыратын ауыр дерттердің белеңалуына жол бермеу және ауруларды мейлінше тиімді тәсілмен емдеу болып табылады.

Әлемдік тәжірибеде кепілдендірілген медициналықкөмек пакетін қалыптастыру процесі медициналық технологияларды бағамдау негізінде жүргізіледі. Мұны медициналық технологияларды немесе дәрі-дәрмектердің тиімділігін дәлелдейтін, жаңа дүниенің рынокта бар технологиялардан артықшылығын анықтайтын мәліметтерді іздестіруге бағытталған зерттеушілік қызмет десек қателеспейміз.

ТЕХНИКА

Қазіргі таңда кепілдендірілген көмек пакетініңшынайы көлемін медицинадан хабары бар, денсаулық саласының маманы ғана түсіне алады. Себебі ТМККК-нің негізгі мәселелері үкіметтің арнайы қаулысында сипатталған. Одан қалғаны Денсаулық сақтау министрлігінің көптеген құжаттарында нақтыланған.

Өкінішке қарай, мұндай құжаттар қарапайым азаматтар үшін түсініксіздеу. Сол себепті, заң шығару жүйесіндегі құжатты бірнеше деңгейде жіктеу тәжірибесі бізге жарамайды. Оның үстіне, бұл құжатты А4 форматындағы 4 бетке де сыйдыра алмаймыз. Әлем елдерінде кепілдік берілген медициналық қызметтің барлықтүрлері мен оларды алу тәртібін тәптіштеп түсіндіретін нақты құжаттар дайындау тәжірибесі қолданылады. Меніңше, осы тәжірибеге ден қойғанымыз дұрыс. Өйткеніәр азамат өз құқықтары мен мемлекет міндеттемелерінің шегін түйсініп, шекарасын ажырата білуі тиіс.

ҚОҒАМДЫҚ КОНСЕНСУС

ТМККК пакеті — қоғамныңортақ игілігі. Сондықтан кепілдендірілген көмек пакетін оңтайландыру мәселесі жалпақ жұртшылықтың талқысына түсуі тиіс. Және жоғарыда аталған мәселелер бойынша қоғамдық бәтуаға қол жеткізуіміз қажет.

Ендеше, ТМККК пакетін оңтайландыру дегеніміз қарапайым азаматтар үшін нені білдіреді?

Оңтайландыру нәтижесінде азаматтар кепілдендірілген тегін көмектіңжан-жақты түсіндірілген, заман талабы мен қоғам сұранысына қарай жаңартылған тізіміне қол жеткізбек. Бұл жерде жұртшылыққа жеткізетін екі жаңалық бар. Бірі жағымсыз: ТМККК пакетіне бөлінетін қаржы азайды, екіншісі — жақсы жаңалық: аз болса да аталған қаржыға тиімділігі дәлелденген дәрі-дәрмек пен кешенді қызметтерді сатып алуға болады. Былайша айтқанда, «көрпеге қарай көсілген» дұрыс. Яғни, бұл жоғарыда айтылған «шағын пәтерден» ескі-құсқыны шығарып тастап, қолда бар қаражатқа сай косметикалық жөндеу жұмыстарын жүргізу керек деген сөз. Керемет күрделі жөндеу жасалмаса да, арқадағы жүктің едәуір жеңілдері анық. Нәтижесінде «пәтер тұрғындары» көршілермен бірігіп инженерлік желілерді жөндеу қажет пе, әлде, жаңаәрі кең пәтерге қаржы жинау қажет пе деген логикалық мәселенің дұрыс шешімін табады деп сенемін.

Бұл әлеуметтік медициналық сақтандыруға, ерікті медициналық сақтандыру мен елдегі медициналық қызметтер нарығын дамытуға қатысты мәселе болмақ.

Серік ТӘҢІРБЕРГЕНОВ,

Денсаулық сақтау саласының сарапшысы, дәрігер,

Әлеуметтік медициналық сақтандыру қорының стратегия жөніндегі істерінің басқарушы директоры

https://zhasalash.kz/6154/

16-02-2018, 13:28

2018 жылға арналған Қызылорда облысы әкімінің бірінші кезектегі Іс-Қимыл жоспары

2018 жылға арналған Қызылорда облысы әкімінің бірінші кезектегі Іс-Қимыл жоспарыДенсаулық сақтау бойынша

Облыс азаматтарының денсаулығын одан әрі жақсарту мақсатында:

Арал ауданының Арал қаласындағы 150 төсекке арналған орталық аудандық аурухана құрылысын аяқтау;

Шиелі ауданы Шиелі кентінде 150 төсекке арналған орталық аудандық аурухана құрылысын жалғастыру;

Қызылорда қаласындағы Облыстық перинаталды орталығы перзентханасы мен облыстық медицина орталығының ғимаратын күрделі жөндеуді жалғастыру;

облыстық медициналық орталығы филиалы базасында алғашқы медициналық-санитарлық көмек көрсетуді ұйымдастыратын Байқоңыр қаласында ұйым ашу;

7 фельдшерлік акушерлік пунктін сатып алуды қамтамасыз ету, оның ішінде Арал ауданы Жаңақұрылыс елді мекенінде – 1, Шиелі ауданы Ботабай елді мекенінде – 1, Қармақшы ауданы Қармақшы және Қуаңдария елді мекендерінде – 2, Жаңақорған ауданы Нәлібаев және Қожамберді елді мекендерінде – 2, Жалағаш ауданы Қаракеткен елді мекенінде – 1;

8 медициналық пункттер сатып алуды қамтамасыз ету, оның ішінде Арал ауданы Қосаман, Шөмішкөл, Сазды, Ақбай, Тастақ елді мекендерінде – 5, Жаңақорған ауданы Талап стансасында және Қандықұдық елді мекенінде – 2, Қызылорда қаласында Досан елді мекенінде – 1;

15 емдік амбулатория құрылысын бастау;

облыстың денсаулық сақтау ұйымдарын санитарлық және мамандандырылған автокөліктермен, медициналық құрал-жабдықтармен жабдықтау;

аналар өлім-жітімі нысаналы көрсеткішін 2 пайызға, сәби өлім-жітімін 2 пайызға, қан айналымы жүйесі ауруларының көрсеткішін 3,7 пайызға, туберкулез ауруының көрсеткішін 2,5 пайызға және қатерлі ісік ауруларының көрсеткішін 0,1 пайызға төмендетуді қамтамасыз ету;

барлық факторлар бойынша өлім-жітімнің төмендеуі арқылы өмір сүру ұзақтығын 72,2 жасқа дейін арттыруды қамтамасыз ету;

кем дегенде 600 дәрігердің біліктілігін арттыру, бастапқы мамандандыру үшін – кемінде 100 дәрігердің және кем дегенде 1800 орта буын медицина қызметкерлері біліктілігін арттыру;

сұранысқа ие мамандарды даярлау үшін Оңтүстік Корея мен Ресей Федерациясының Қазан қаласына оқуға жолдама беруді қамтамасыз ету;

Қызылорда облысындағы Республикалық балаларды оңалту орталығының филиалы «Талсуат» оңалту орталығының төсек орнын 10 төсекке кеңейтуді қамтамасыз ету;

қан айналымы жүйесі ауруларының алдын алу жөніндегі облыстық бағдарламаның бекітілуін қамтамасыз ету;

Қызылорда қаласының Сырдария өзенінің сол жағалауында онкологиялық бөлімшесі және бір ауысымда 100 келушіге арналған емханасы бар 300 төсекке арналған көпсалалы аурухананың құрылысын және Жалағаш ауданының Жалағаш кентіндегі 100 төсекке арналған аудандық аурухана құрылысын қаржыландыру мәселесін Денсаулық сақтау министрлігімен пысықтау.

http://syrboyi.kz/akparat/17761-densauly-satau-boyynsha.html
15-02-2018, 17:12

Медициналық сақтандырудың басым бағыттары

Медициналық сақтандырудың басым бағыттарыБіз қазір Мемлекет басшысының Қазақстан халқына Жолдауында белгілеген міндеттерді атқаруға кірісіп кеттік.

Медициналық сақтандыру қоры осы Жолдаудағы ең маңызды деген үш міндетке басымдық беріп отыр. Оның біріншісі:

 

Ақпараттық жүйелер мен мобильді қосымшаларды дамыту арқылы медициналық көмектің қолжетімділігі мен тиімділігін қамтамасыз ету

Былтыр қараша айында біз қордың мобильді қосымшасын іске қосқан болатынбыз.«МСҚ: Халықтық бақылау» деп аталатын бұл қосымша еліміздегі ауруханалар мен емханалардың қызметін бағалауға мүмкіндік береді. Қосымшаны ұялы телефонға жүктеп, кепілдендірілген тегін медициналық көмек шеңберінде қызмет көрсететін емханалар мен стационарлардың жұмысына баға беруге болады. Онда дәрігер қабылдауына кіруге кеткен уақыт, көрсетілген қызмет сапасы, дәрігер берген емнің түсініктілігі сынды өлшемдер есепке алынады. Сонымен қатар, қосымшаны пайдаланушылар кез келген медицина ұйымы жайлы пікірін еркін түрде жазып қалдыра алады. Алдағы уақытта осы пікірлер негізінде клиникалардың рейтингі жасалады. Ал, бұл азаматтарға еліміздегі ең үздік деген емханалар мен клиникаларды таңдауға көмектеседі. «Халықтық бақылау» қосымшасын Android және iOS платформаларымен жұмыс істейтін телефондарға көшіріп алуға болады.

Мобильді қосымша үнемі жаңартылып, толықтырылып отырмақ. Алдағы уақытта оған емханаға тіркелу, медициналық қызмет сапасын бағалау, медицина ұйымдарының қызметін ұйымдастыру, дәрігерге жазылу сынды функционалдарды қосу көзделіп отыр.

Екіншісі – кепілдендірілген тегін медициналық көмек көлемін оңтайландыру

Жалпы, бұл құжат үкімет тарапынан бекітіледі. Біз өз ұсыныстарымызды әзірлеп өкілетті органға береміз. Бір сөзбен айтқанда, кепілдендірілген тегін медициналық көмек пакеті қайта қаралады деуге болады. Біздің міндетіміз – мемлекет үшін тиімділігі төмен әрі шығыны көп диспансерлік жүйеден бас тартып, оның орнына қашықтықтан диагностика жасау және амбулаторлық емдеу тәсілдерін пайдалану арқылы созылмалы сырқаттарды емдеу жүйесіне көшу.

Алдағы екі жылда Қор кепілдендірілген тегін медициналық көмек пен әлеуметтік медициналық сақтандыру пакеттеріне енетін медициналық қызметтерді іріктеумен айналыспақ. Іріктеу барысында медициналық қызметтерге деген сұраныс пен олардың тиімділігі міндетті түрде ескеріледі.

Үшінші мәселе – стационарлық көмектен профилактикаға (аурудың алдын алуға) және өзге де қызмет түрлеріне көшу

Мемлекет басшысы биылғы Жолдауында қазіргі денсаулық сақтау жүйесінің бағасы қымбат болып келетін стационарлық емге емес, аурудың алдын алуға ден қоюы керектігін қадап айтты. Бұл өте дұрыс айтылған мәселе. Себебі біздің елімізде науқастардың 70 проценті дәрігерге ауруы әбден асқынғаннан кейін қаралады. Салдарынан азаматтардың шығыны мен мемлекет қалтасынан шығатын қаражат бірнеше есе артады. Біз болашақта стационарды алмастыратын қызмет түрлерін көбейтуге, соған басымдық беруге күш саламыз. 2018 жылдан бастап кепілдендірілген тегін медициналық көмекке бөлінетін қаражаттың 5 проценті осы қызмет түрлеріне жұмсалатын болады. Сонымен қатар профилактикалық іс-шаралар ауқымын едәуір арттыру көзделіп отыр.

Өзін-өзі жұмыспен қамтығандар жайында ҚР Президентінің биылғы Жолдауында халықты сапалы жұмыспен қамту және лайықты әлеуметтік қорғау жүйесін қалыптастыру проблемасы да айтылды. Мемлекет басшысының пікірінше, бұл мәселені шешу үшін азаматтардың мүмкіндіктерін арттыру қажет. Сондай-ақ, Елбасы өзін-өзі жұмыспен қамтығандарды тіркеу процедураларын жеңілдету керектігін айтты. Яғни, қолайлы жағдай жасалса, азаматтар үшін мемлекет алдындағы міндеттерін қалтқысыз орындау тиімді болары сөзсіз.

Мемлекеттік органдар Президенттің өзін-өзі жұмыспен қамтыған халықты экономикаға жұмылдырып, әлеуметтік медициналық сақтандыру жүйесіне тарту туралы тапсырмасына сәйкес, бірқатар іс-шараларды әзірледі. Атап айтсақ, заң актілерінде «өзін-өзі жұмыспен қамтыған» деген түсінікті нақтылау, өз күнін өзі көріп жүрген азаматтарды мемлекеттік табыс органдарында тіркеу тәртіптемесін жеңілдету, олардан салық өндіру тәртібін айқындау, өзін-өзі жұмыспен қамтығандар мен жұмыссыз азаматтарды тіркейтін мекемелер қызметін толығымен цифрландыру, жергілікті атқару органдары мен орталық мемлекеттік органдардың ақпараттық жүйелерін бір-бірімен ықпалдастыру көзделген. Оған қоса, өзін-өзі жұмыспен қамтыған азаматтарға аз мөлшерде жарна төлеп, МӘМС пакетін толық пайдалануға мүмкіндік берілетінін де айта кеткеніміз жөн.



«Әлеуметтік медициналық

сақтандыру қоры» КЕАҚ Қызылорда

облысы бойынша филиалының

«Халықты ақпараттандыру және

өтініштерді қарастыру бөлімі».

http://syrboyi.kz/densaylik/17645-medicinaly-satandyrudy-basym-bayttary.html
10-02-2018, 14:57

МӘМС: БАСЫМДЫҚ БЕРІЛГЕН ҮШ МІНДЕТ

МӘМС: БАСЫМДЫҚ БЕРІЛГЕН ҮШ МІНДЕТМедициналық сақтандыру қоры мемлекет басшысының Қазақстан халқына жолдауында белгілеген міндеттерді атқаруға кірісіп кетті. Бұл туралы "Әлеуметтік медициналық сақтандыру қоры" КЕАҚ Қызылорда облысы бойынша филиалы Халықты ақпараттандыру және өтініштерді қарастыру бөлімі хабарлады.

Хабарламаға сүйенсек, МСҚ Жолдаудағы ең маңызды деген үш міндетке басымдық беріп отыр. Оның біріншісі:

Ақпараттық жүйелер мен мобильді қосымшаларды дамыту арқылы медициналық көмектің қолжетімділігі мен тиімділігін қамтамасыз ету.

Былтыр қараша айында біз қордың мобильді қосымшасын іске қосқан болатынбыз. "МСҚ: Халықтық бақылау" деп аталатын бұл қосымша еліміздегі ауруханалар мен емханалардың қызметін бағалауға мүмкіндік береді. Қосымшаны ұялы телефонға жүктеп, кепілдендірілген тегін медициналық көмек шеңберінде қызмет көрсететін емханалар мен стационарлардың жұмысына баға беруге болады. Онда дәрігер қабылдауына кіруге кеткен уақыт, көрсетілген қызмет сапасы, дәрігер берген емнің түсініктілігі сынды өлшемдер есепке алынады. Сонымен қатар, қосымшаны пайдаланушылар кез-келген медицина ұйымы жайлы пікірін еркін түрде жазып қалдыра алады. Алдағы уақытта осы пікірлер негізінде клиникалардың рейтингі жасалады. Ал, бұл азаматтарға еліміздегі ең үздік деген емханалар мен клиникаларды таңдауға көмектеседі. "Халықтық бақылау" қосымшасын Android және iOS платформаларымен жұмыс істейтін телефондарға көшіріп алуға болады.

Мобильді қосымша үнемі жаңартылып, толықтырылып отырмақ. Алдағы уақытта оған емханаға тіркелу, медициналық қызмет сапасын бағалау, медицина ұйымдарының қызметін ұйымдастыру, дәрігерге жазылу сынды функционалдарды қосу көзделіп отыр.

Екіншісі - кепілдендірілген тегін медициналық көмек көлемін оңтайландыру.

Жалпы, бұл құжат үкімет тарапынан бекітіледі. Біз өз ұсыныстарымызды әзірлеп өкілетті органға береміз. Бір сөзбен айтқанда, кепілдендірілген тегін медициналық көмек пакеті қайта қаралады деуге болады. Біздің міндетіміз – мемлекет үшін тиімділігі төмен әрі шығыны көп диспансерлік жүйеден бас тартып, оның орнына қашықтықтан диагностика жасау және амбулаторлық емдеу тәсілдерін пайдалану арқылы созылмалы сырқаттарды емдеу жүйесіне көшу.

Алдағы екі жылда Қор кепілдендірілген тегін медициналық көмек пен әлеуметтік медициналық сақтандыру пакеттеріне енетін медициналық қызметтерді іріктеумен айналыспақ. Іріктеу барысында медициналық қызметтерге деген сұраныс пен олардың тиімділігі міндетті түрде ескеріледі.

Үшінші мәселе - стационарлық көмектен профилактикаға (аурудың алдын алуға) және өзге де қызмет түрлеріне көшу.

Мемлекет басшысы биылғы Жолдауында қазіргі денсаулық сақтау жүйесінің бағасы қымбат болып келетін стационарлық емге емес, аурудың алдын алуға ден қоюы керектігін қадап айтты. Және бұл өте дұрыс айтылған мәселе. Себебі біздің елімізде науқастардың 70 пайызы дәрігерге ауруы әбден асқынғаннан кейін қаралады. Салдарынан азаматтардың шығыны мен мемлекет қалтасынан шығатын қаражат бірнеше есе артады. Біз болашақта стационарды алмастыратын қызмет түрлерін көбейтуге, соған басымдық беруге күш саламыз. 2018 жылдан бастап кепілдендірілген тегін медициналық көмекке бөлінетін қаражаттың 5 пайызын осы қызмет түрлеріне жұмсалатын болады. Сонымен қатар профилактикалық іс-шаралар ауқымын едәуір арттыру көзделіп отыр.

Өзін-өзі жұмыспен қамтығандар жайында. ҚР Президентінің биылғы Жолдауында халықты сапалы жұмыспен қамту және лайықты әлеуметтік қорғау жүйесін қалыптастыру проблемасы да айтылды. Мемлекет басшысының пікірінше, бұл мәселені шешу үшін азаматтардың мүмкіндіктерін арттыру қажет. Сондай-ақ, елбасы өзін-өзі жұмыспен қамтығандарды тіркеу процедураларын жеңілдету керектігін айтты. Яғни, қолайлы жағдай жасалса азаматтар үшін мемлекет алдындағы міндеттерін қалтқысыз орындау тиімді болары сөзсіз.

Мемлекеттік органдар президенттің өзін-өзі жұмыспен қамтыған халықты экономикаға жұмылдырып, әлеуметтік медициналық сақтандыру жүйесіне тарту туралы тапсырмасына сәйкес бірқатар іс-шараларды әзірледі. Атап айтсақ, заң актілерінде "өзін-өзі жұмыспен қамтыған" деген түсінікті нақтылау, өз күнін өзі көріп жүрген азаматтарды мемлекеттік табыс органдарында тіркеу тәртіптемесін жеңілдету, олардан салық өндіру тәртібін айқындау, өзін-өзі жұмыспен қамтығандар мен жұмыссыз азаматтарды тіркейтін мекемелер қызметін толығымен цифрландыру, жергілікті атқару органдары мен орталық мемлекеттік органдардың ақпараттық жүйелерін бір-бірімен ықпалдастыру көзделген. Оған қоса, өзін-өзі жұмыспен қамтыған азаматтарға аз мөлшерде жарна төлеп, МӘМС пакетін толық пайдалануға мүмкіндік берілетінін де айта кеткеніміз жөн.

https://syr-media.kz/news/1695-mms-basymdy-berlgen-sh-mndet.html

7-02-2018, 15:01

Қазалыда медициналық кеңес отырысы өтті

Қазалыда медициналық кеңес отырысы өтті

Қазалы ауданында өткен денсаулық сақтау жүйесі мекемелерінің медициналық кеңесінде үйлестіру жұмыстарының қорытындысы мен алда тұрған міндеттер назарға алынды. Ақ халатты абзал жандармен болған басқосуға аудан әкімінің орынбасары Әлімжан Жарылқағанов қатысты.

Аудан әкімінің орынбасары медицина ұйымдарының қызмет сапасына байланысты рейтингін қалыптастыру мәселесі өте оңтайлы шешім екендігін айтып, рейтинг нәтижесін тоқсан сайын шығарып отыруды ұсынды. Сондай-ақ, Жол карталары бойынша енгізілген өзгерістерді ескеріп, сапалы жұмыс жүргізуді, суицидтің алдын алуда ведомствоаралық жұмысты жолға қоюды, бастапқы медико-санитарлық ұйым басшыларының тұрғындар алдында есеп беруін ұйымдастыруды тапсырды.

https://qazaly.kz/zanalyk/1238-azalyda-medicinaly-kees-otyrysy-tt.html
5-02-2018, 14:55

ТЕЛЕМЕДИЦИНА ЕЛГЕ ТИІМДІ МЕ?

ТЕЛЕМЕДИЦИНА ЕЛГЕ ТИІМДІ МЕ?

Елбасы «Ауыл тұрғындары үшін медициналық көмектің қолжетімділігін кеңейтуге айрықша назар аудару қажет. Профилактикалық жұмыстарды сауатты ұйымдастырған жағдайда ерте сатыда-ақ аурулардың алдын алуға болады» деп үнемі айтып келеді. Нәтижелі болса, қанеки! Өйткені қазір ауыруға болмайды. Дипломды дәрігер көп, білікті дәрігер аз. Дәрі көп, шипасы жоқ. Дәрігерге алдын ала жазылу да «жыр». Апталап, айлап жазылған кезек дәрігердің қабылдауына барған күні қағаз жүзінде қалады. Емделуші ұзынсонар кезекте сағаттап тұруға мәжбүр. Дәріхана дабизнес. Емханаға ем іздеп барған адам ұзынсонар дәрінің тізімін қолтықтап қайтады. Қаражаты бар науқас жүйелі түрде емделер. Қаржысы жоқ адам салы суға кетіп, дертіне дауа іздеп, емші жағалайды. Емханада емделгеннен, елден сандалған халық көп. Себебі, дертінің диагнозын таба алмай, әр емхананың табалдырығын үмітпен тоздырады. Қыруар қаржыға ақылы аппаратқа түсуден шаршаған науқас, берісіТашкент, арысы Еуропаға сабылады. Өйткені елдегі дәрігерге сенуден қалған. Сенімсіздіктің себебі де сан түрлі.
Олөз алдына бөлек мәселе. Бір қызығы, сол Шығыс пен Батыстағы заманауи медициналық аппараттар қазіргі кезде Қазақстанда да бар. Аурудың себебін анықтайтын – аппарат.

Диагноз қоятын – дәрігер. Жаңа технологияларды да қолданысқа енгізуден шет қалып жатқан кезіміз некен-саяқ. Соның бірі – Ұлттық телемедицина жүйесі. Соңғы жылдары Қа­зақстандағы емханаларға телемедицина жүйесі енгізілді. Мақсат – шұғыл көмек қажет науқасты ажалдан арашалап қалу. Денсаулық сақтау және әлеуметтік даму министрлігінің мәліметіне сүйенсек, қазіргі кезде Ұлттық телемедицина желісі министрлік, 14 облыстағы және Астана, Алма­ты қаласындағы денсаулық сақтау басқармалары, Республикалық электрондық денсаулық сақтау орталығы, 6 медициналық оқу орнында және аудандық, қалалық ауруханалармен қатар, кардиологиялық орталықтарда, Ана мен бала орталығында шоғырландырылған. Тиімділігі – жедел түрде кеңес беру, шалғайдағы ауыл тұрғындарына дер кезінде жан-жақты мамандандырылған медициналық көмек көрсету. Басты артықшылығы – ауыр халдегі науқастардың өмірін сақтап қалу. Соңғы екі-үш жылда телемедицина көмегімен 30 мыңға жуық көмек көрсетілген. Алдағы уақытта шалғай аймақтарда жетілдіру оң шешімін табуда. Әсіресе, кардиолог, педиатр, невролог дәрігерлердің бейне­кеңесіне сұраныс көп. Яғни, алыстағы елдімекендердегі дәрігер тап­шылығын телемедицина ар­қылы азайтуға мүмкіндік бар. Кеңес беруші дәрігерлер рент­ген түсірілімін талдап, элек­трокардиограммасын талқылап, оған түсініктеме беріп, ультра­дыбыстық зерттеуді қарастыру арқылы диагнозды нақты қою­ға тікелей атсалысады. Телемеди­цинаның жұмыс істеу тәсілі әлі де жетілдіріп, әсіресе, шалғай ай­мақ­тарда кеңінен қолданысқа енсе, нәтижелі болмақ. Ең бастысы, науқасты да, дәрігерді де аман-есен сақтап қалудың бірден-бір жолы. Мәселен, былтыр 3 қазанда Оңтүстік Қазақстан облыстық ауруханасының жан сақтау бөліміндегі науқасқа Алматыдан шұғыл көмекке аттанған Ан-28 санитарлық авиация тікұшағы апатқа ұшырады. Шымкентке бет алған тікұшақ Алматының іргесіне құлады. Ұшақта болған экипаж мүшелері мен екі дә­рігер оқиға орнында қайтыс болды. Акушерлік, гинекология және перинатология ғылыми орталығының акушер-гинеколог дәрігері Талғат Патсаев пен Кардиология мен ішкі аурулар ғылыми-зерттеу институтының реаниматолог-дәрігері, профессор Жәнібек Артықбаев Шымкент­те­гі ауыр халдегі науқасқа ем көрсету керек еді. Өкініштісі, араға күн салып, Алматыдан дәрігер күткен алты баланың анасы денсаулығы күрт нашарлап, көз жұмған. Осындай қайғылы жағдайларда алысты қас-қағымда жақындататын, шұғыл көмекті дер кезінде көрсететін телемедицина өте қажет. Науқасты аман алып қалуға септігін тигізеді. Бі­лікті дәрігерлердің көмегін қай өңірде болса да ала алады. Онлайн режимде жүйеге қосылып, аурудың себебін анықтап, талдап, дәл диагнозын қойып береді. Медициналық емдеу мекемелері, емделушілер мен дәрігерлер бір уақытта бас қосып, бірігіп жұмыс істеуіне тиімді.
Телекоммуникациялық, ком­пьютерлік технологияларды пай­даланып, жылдам, сапалы меди­циналық қызмет көрсетіледі. Жоғарыда айтылғандай, шұғыл көмек қажет болса, дәрігер де, науқас та сабылмайды. Емделу­шілерге облыстық, республи­калық деңгейдегі білікті дә­рігер­лер қашықтықтан кеңес беру арқылы аурудың себебін анықтап, тиімді емдеу жолдарын нұсқайды. Елдің шығысынан батысқа, солтүстіктен оңтүстікке дәрігерлер сандалмайды. Астана мен Алматыдан дәрігер күтіп жатып, жантәсілім ететін нау­қастардың қатары азаяды. Шұғыл көмекке кететін шығын да азаяды. Өмір мен өлім арасында арпалысып жатқандарға дер кезінде көмек көрсетіледі. Қазіргі кезде Ұлттық телемедицина жүйесі 200-ден аса денсаулық сақтау нысанында бар.
Кейінгі жылдары телемеди­цина жүйесі жекеменшік емдеу мекемелеріне де енгізілді. Бұ­дан былай жекеменшік емдеу мекемесінің дәрігері еш кедергісіз өзге әріптестерінен көмек сұрай алады. Денсаулық сақтау министрі Елжан Біртановтың пікірінше, телемедицинаның артықшылығы көп. «Телемедицина – түрлі дең­гейдегі дәрігерлердің арасында байланыс құралы. Бүгінде те­лемедицина жүйесі дамып, қатты өзгеріске ұшырап отыр. Оның дәлелі, осы жүйеге дәрігерлердің қатарына емделуші де қосылды. Бүгінгі таңда телемедицинада емделуші мен дәрігер арасындағы ынтымақтастық бағыты дамуда. Телемедицина азаматтардың мүддесін қорғауға да бағытталған» деген еліміздің бас дәрігері қазіргі уақытта халықтың техникалық мүмкіндігі өте жоғары. Үйде отырып, дәрігерден онлайн кеңес алуға болады. Смартфонның көмегімен тікелей дәрігермен бейнебайланыс орната алады. Артықшылығы – біріншіден, емханаға барып, уақыт жоғалт­пайды. Екіншіден, кезек күтпейді. Қажетті дәрігерлік кеңесті онлайн режимде алған соң, дәрігердің қабылдауына жазыла алады. Уақытын белгілеп, кезегі қашан келетінінен хабардар болып отырады. Емделушіге де, дәрігерге де тиімді. Арыз-шағым азаяды. Тиісті дәрігерлік көмекті тиімді пайдаланады. Дәрігерлердің дөрекілігінің басты себебі – жауапсыздық. «Медицина қыз­меткерлерімен кездескен кезде, емделушілер тарапынан болатын үздіксіз агрессияға шағымдана бермей, олардың ығына жығыла білу керектігін де үнемі айтып келемін. Емделушілер та­рапынан агрессия бар екені сөзсіз. Алайда бүгінде күні мұндай агрессиялардың орын алуына өзіміз де кінәліміз. Өйткені адамдармен жұмыс істей алмаймыз» деген министрдің ескертпесі де орынды.
Телемедицина жүйесі бола­шақта кеңес беру, диагноз нақ­тылаумен қатар, «электронды емделуге» бағытталған. Телеме­дицинаның тарихы әртүрлі тәжіри­белерден бастау алады. Радио, телеграф, телефон арқылы кеңес берудің барлығы дами келе, телемедици­наға жол ашқан. Тер­мин ретінде 1905 жылдары қолданысқа енген. Сол жылдың 22 наурызында профессор Вильем Эйтховен үй жағдайындағы зертханасынан 1500 шақырым қашықтықтағы университеттің емханасымен телефон желісі арқылы электрокардиограмма жасап, сынап көреді. Тәжірибесі нәтижелі шыққан соң, 1906 жылы Archives Internationales Physiologie журналына телемедицинаның тиімділігі жайында мақала жариялайды. Вильем Эйтховен «Шын мәнінде, емхана мен зертхананың арасында әркім өз аймағында отырып, науқастың денсаулығын электронды түр­де талқылауға болады» деп жазады. Дәрігер орыс-жапон соғысында жараланған әс­кери­лерді тез арада емдеуде қа­шықтықтан емдеу орасан зор рөл атқарғанын еңбектерінде атап өтеді. ХХ ғасырда телефон арқылы кеңінен қолданысқа ие болған телемедицина ХХІ ғасырда ІТ технологияның көмегімен қарыштап дамуға бет алған.
Телемедицинаның пайда болғанына бір ғасырдан астам уақыт өткен. Тек тәуелсіздік алған соң, 20 жылдан кейін ғана бізге жетті. Оның үстіне, Қазақстандағы телемедицинаның жетілдіретін тұстары көп-ақ. Емдеудің жаңа әдісі болғанымен, шетелге таңсық емес. Телемедицина аппараты былтыр көненің көзіндей болып EXPO көрмесінде тұрды. Шетелде әлдеқашан көне жәдігерге айналған. Өйткені медицина саласы күн сайын дамуда. Елде телемедицина кеңі­нен дамыса, қазіргідей дәрі­гергерге қаралу «жыр» болмас та еді? Онлайн кеңес алу да оңай болар еді. Телемедицинаны орнымен, тиімді пайдаланып, қажетке жаратсақ, қанеки?!

Майра ЖАНЫСБАЙ

https://aikyn.kz/2018/01/27/40630.html
2-02-2018, 10:01

Сыр медицинасының жарқын жетістігі

Сыр медицинасының жарқын жетістігі

Мемлекеттің басты байлығыадам десек, ұлт саулығын жақсарту арқылы биік мақсатқа жету барша дамыған мемлекеттер ұстанған бас­ты бағыт екені даусыз. «Қазақстан – 2050» стратегиясында Елбасы Н.Назарбаев «Ұлт денсаулығыбіздің табысты болашағымыздың негізі» деп көрсеткен болатын. Осы орайда елімізде тұрғындардың денсаулығын қорғау бағытында Мемлекет басшысының бастамасымен бірқатар бағдарламалар қабылданып, ауқымды жұмыс атқарылып келеді. Мемлекет басшысының жыл сайынғы қазақстандықтарға арнаған ­Жолдау­ларында «бірінші байлыққа» барынша көңіл бөлініп, саланы дамыту, медициналық көмектің қолжетімділігін арттыру мәселесіне жіті назар аударылып, қаржы көлемі де артып отырғаны белгілі. Бұл Сыр медицинасына да қатысты. Мәселен, облыстың денсаулық сақтау саласын қаржыландыру кейінгі 5 жылда 26,7 процентке артып, былтыр 44,04 млрд теңгені құрады. Қаржыдан қағажу көрмей келе жатқан салада осылайша жыл сайын алдыңғы қатардағы технологияларды енгізуге, материалдық-техникалық базаны нығайтуға, профилактикаға, науқастарды ­диагностикалау мен емдеуге, жалпы, тұрғындарға сапалы медициналық қызмет көрсетуге жан-жақты мүмкіндіктер тууда. Олай болса, соңғы 5 жыл бедерінде сырбойылықтар саулығын сақтаудағы сала жетістіктерін тарқатсақ...

Байқоңырлықтар көптен күткен қуаныш

Облыс әкімдігітарапынан салаға деген қамқорлықтың артуы Байқоңыр қаласындағыкөпшілікті көптен күпті еткен мәселелердің оң шешімін табуынасеп болды. Атап айтқанда, жұлдызды қалашықта 2010 жылдан бері тұрған перзантхана ғимаратына 2014-2015 жылдары қайта жөндеу жұмыстарыжүргізіліп, тұрғындар игілігінеберілді. Ресей-Қазақстан тараптарыарасындағы ұзақ келіссөзбарысында 2016жылы Байқоңыр қаласындақазақстандық медициналық ұйым ашу туралы келісімге қол жеткізілді. Осының негізіндемұнда тәжірибелік режимдекөпсалалы аурухана – облыстық медицинаорталығының филиалы ашылды. Бұл мекеме Байқоңырқаласы мен Төретам, Ақай кенттерінің тұрғындарына медициналықкөмек көрсетеді. Көпбейінді стационардың құрамында 30 төсектіктерапиялық бөлімше, 30 төсектік оңалту және 20 төсектік күндізгістационарлық бөлімше бар. Жыл басынан бастап филиал базасындаалғаш рет амбулаторлық көмек көрсету үшін емханалық бөлімшеашылды. 14 мыңнан астам тұрғын аталғанұйымда қызмет алуға ниет білдірген.

Жоғары мамандандырылған көмек қолжетімді бола түсті

Соңғы бес жыл көлеміндежерлестеріміз үшін жоғары мамандандырылған көмектің қолжетімділігі артты. Мәселен, облыстыңкардиохирургтарымен жүрек- қанта­мырларынажәне бас миына 2300-ден аса ота жасалды. Сондай-ақ, жоғары мамандандырылған көмектіңқолжетімділігін арттыру мақсатында 2016 жылы Қазалы теміржолауруханасы базасында Байқоңыр қаласы мен Арал, Қазалы және Қармақшы аудандарының тұрғындарыүшін ауданаралық нейроинсульт орталығыашылды. Одан бөлек, Қазалы аудандық ауруханасыбазасында инсульт­пен сырқаттанатын науқастардыоңалту бөлімшесі мен №3 қалалықемханасы базасынан нейрооңалтуорталығының ашылуы көмек көлемін кеңейтугемүмкіндік беріп отыр. Жалпы, соңғы 5 жылда ашық жүреккеота жасау 48,3 процентке (2013ж – 103, 2017 ж – 157), тамырды эндопротездеу бойыншаоталар алты (2014 ж – 25, 2017 ж – 139), нейрохирургиялық оталар екі есеге өскен. Былтырдың өзінде онкологиялық ауруларға – 55, травматологиялық науқастарға – 330, урологиялық ауруға шалдыққандарға 208 ота жасалған.

АУЫРМАСЫН АНАЛАР, АМАН БОЛСЫН БАЛАЛАР

Аймақта ана мен бала саулығын сақтауғабарынша көңіл бөлініпкеледі. Осы мақсаттакөптеген ауқымды жұмыстардыңатқарылғаны аян. Мәселен, жүкті және жаңа босанғанәйелдерге медициналық көмек көрсетуді жақсартуүшін 5 жыл ішінде 350 төсек-орынға арналған облыстықперинаталдық орталығы, 350 төсектік облыстықбалалар ауруханасы мен Талсуат кентінде 50 төсектікреспубликалық оңалту орталығысалынып, бүгінде тұрғындаригілігіне қызмет етуде. 2016 жылы облыстықперинаталдық орталығында ауыр патологиясы бар әйелдерге арналып 30 төсектікбосанғаннан кейінгі оңалту бөлімшесінің ашылуы талай әйелдіңтез арада аяғынантік тұрып кетуінесебепші болуда. Бірінші деңгейдегістационар дәрігерлері арасындаоперативті техниканы игергенмамандардың үлесін арттырубойынша біршама жұмыстаржасалып, ота жасайтынакушер-гинекологтардың үлес салмағы 45%-тен 67%-ке артты. Атқарылған жұмыстарнәтижесінде нәрестелер өлімі 41,2%-ке азайса, 2017 жылы ана өлімінің тіркелмегені қуантады, яғни, 100%-ке төмендеді.

МЫҚТЫ МАТЕРИАЛДЫҚ-ТЕХНИКАЛЫҚ БАЗА –

САПАЛЫ ҚЫЗМЕТ КЕПІЛІ

Тұрғындардың медициналық қызметке тең қолжетімділігін қамтамасыз ететін денсаулық сақтау инфрақұрылымын жетілдіру мақсатында соңғы 5 жыл ішінде жалпы құны 27,4 млрд теңге болатын 58 нысан пайдалануға берілді, оның ішінде 49 немесе 84,5%-і апаттық жағдайдағы нысандар орнына салынды. Атап айтқанда, облыстық перинаталдық орталығы, көпбейінді облыстық балалар ауруханасы, Қазалы ауданында орталық аурухана, 5 аудандық емхана құрылысы, 2 ауылдық емхана, 36 дәрігерлік амбулатория, 13 фельдшерлік-акушерлік амбулатория және медициналық бекеттер пайдалануға берілді. 2013-2017 жылдар аралығында 28 денсаулық сақтау нысанына күрделі жөндеу жұмыстарын жүргізуге 2,5 млрд теңге бөлінді. Ал, облыстағы денсаулық сақтау ұйымдарын заманауи медициналық құрал-жабдықтармен жабдықтауға соңғы бес жыл көлемінде 6 279,7 млн теңге қаралып, жаңа үлгідегі қажетті техникалар алынған. Нәтижесінде, медициналық мекемелердің материалдық-техникалық жабдықтармен жарақтану көрсеткіші 32,2%-ке өсіп, 2017 жылы 76,5%-ті құрады.

ҚАДІРІН БІЛГЕН

Медицина саласы салғырттықты көтермейді. Сәл ғана сәтсіздік адам өміріне қауіп төндіруі мүмкін. Мұнда тек білік пен білімге ғана орын бар. Сондықтан адам өмірінің арашашысы ақ халаттыларға артылар жүктің салмағы да ауыр. Ал медицина қызметкерлері сол сенім үдесінен шыға білу үшін біліктіліктерін арттырып отыруы қажет. Соңғы бес жылда мамандар даярлауға ерекше мән берілгені белгілі. Аймақта денсаулық сақтау саласында кадр мәселесін шешу негізінде 2016-2018 жылдарға арналған дәрігерлер мен орта буынды медицина қызметкерлерінің біліктілігін арттырудың ұзақмерзімді жоспары жасалды. Қажетті медициналық мамандарды оқытуға (резидентураға) облыс әкімінің арнайы гранттары бөлініп, 2016-2017 жылдары 22 үміткер қабылданды.

Жалпы, облыс бойынша соңғы 5 жылда 705 маман қайта даярлау, 11732 маман білімін жетілдіру курстарынан өтті, олардың ішінде дәрігер – 4056 болса, 7676-сы орта буын медицина маманы. Атқарылған ауқымды жұмыстардың нәтижесінде аймақта жетіспейтін неонатолог, травматолог, онколог, реабитолог дәрігер мамандардың тапшылығы жойылды.

Соңғы бес жылда облыс бойынша 569 жас маман жұмысқа орналасқан, оның ішінде ауылдық елді мекендерге 248-і яғни, 43 проценті, бастапқы медициналық санитариялық көмек ұйымдарына 450 маман (79 проценті) жұмысқа орналасқан. Қазіргі кезде дәрігер мамандармен қамту көрсеткіші бойынша бастапқы медициналық санитариялық көмек ұйымдарында 95 процентті құрап отыр.

Аймақтың денсаулық сақтау саласындағы осындай берекелі жұмыстардың нәтижесінде облыс халқының өмір сүру ұзақтығы 1,3 есе өсіп, 71,91 жасты құрады, 2013 жылы бұл көрсеткіш – 70,62 болатын. Ал республикада – 72,3 жас. Өлім-жітім көрсеткіші 1000 тұрғынға шаққанда 4 процентке төмендеді. Қатерлі ісіктерден болатын өлім көрсеткіші 22,8%-ке, жазатайым оқиғалар, жарақаттар мен уланулардан болатын өлім көрсеткіші 39,8%-ке, туберкулезбен сырқаттанушылық 31,2%-ке, туберкулезден болатын өлім көрсеткіші 2 есеге азайған.

Айнұр БАТТАЛОВА,

«Сыр бойы».

http://syrboyi.kz/negizginews/17341-syr-medicinasyny-zharyn-zhetstg.html
1-02-2018, 14:54

ЖАҢА ТЕСТ АИТВ-ні НАҚТЫЛАУДЫ ЕЛЕУЛІ ТҮРДЕ ҚАРАПАЙЫМ ЕТЕДІ

ЖАҢА ТЕСТ АИТВ-ні НАҚТЫЛАУДЫ ЕЛЕУЛІ ТҮРДЕ ҚАРАПАЙЫМ ЕТЕДІ

 

Медиктерге осы кезге дейін АИТВ-ні жұқтырғаннан кейін анықтауға ерік беретін қан талдауының үлгісі мен кеселдің ерте сатыларында онша нақты емес сілекей үлгісінің талдауын таңдауға тура келді. Сілекей үлгісін алу барынша жеңіл.Стэнфорд университетінің химиктері мен олардың әріптестері жаңа тест ойлап тапты деп жазады Deutsche Welle.
Енді нақты нәтижелерді антиденелерге байланысты өзгерістерді анықтауға арналған сілекей үлгілерінің талдауы арқылы алуға болады. Жаңа тест арқылы мамандардың АИТВ-ні 22 адамнан анықтауға қолдары жетті. Зерттеушілер одан ары тексерулердің қажеттігін атап көрсетуде. Болашақта бәлкім, аллергияны, іш сүзегі мен туберкулезді анықтау үшін осындай тесттерді жасаудың да сәті туар.
Сондай-ақ жуықта Йел университетінің қызметкерлері АИТВ-ға қарсы жаңа бұйымды көрсетті. Препарат АИТВ-ға өзін торшаның ДНК-на енуіне көмектесетін ферменттің жұмысын жаншиды. Ғалымдар тышқандарға зерттеу жүргізген. Мамандар бұл бұйымның жануарларды жұқпалардан қорғағанын анықтаған.

 

«Сыр медицинасы» газеті.

Дереккөз:http://www.meddaily.ru/article/24jan2018/HI

31-01-2018, 13:10

Мамандар жасөспірімдердің психикалық денсаулығына алаңдаулы

Мамандар жасөспірімдердің психикалық денсаулығына алаңдаулы

Алматы қаласында балалар мен жасөспірімдердің психикалық денсаулығын нығайту мен өмірлік дағдыларын қалыптастыруға арналған алғашқы халықаралық конференциясы өтуде. Жиын барысында мамандар жасөспірімдердің психикалық денсаулығына көбірек назар аударуға шақырады, деп хабарлайды Baq.kz ақпарат агенттігі.

Конференцияны ҚР Білім және ғылым министрлігі және Денсаулық сақтау министрлігі қолдауымен БҰҰ Балалар қоры (ЮНИСЕФ), қазақстандық «Bilim Foundation» қоры, Республикалық психикалық денсаулық ғылыми-практикалық орталығы және әл-Фараби ат. ҚазҰУ ұйымдастырып жатыр.

Конференция жұмысына балалар мен жасөспірімдердің психикалық денсаулығы бойынша қазақстандық және беделді халықаралық мамандар, психиатрлар, педагогтар, денсаулық сақтау мен білім беру саласының және ҮЕҰ өкілдері қатысуда. Конференция қатысушылары арасында Халықаралық психиатриялық ассоциацияның президенті Афзал Джавед пен ұйымның маманы профессор Владимир Карли, конференция президенті, конференцияның ғылыми комитетінің жетекшісі Марко Саркьяпоне, Халықаралық денсаулық сақтау ұйымының өкілдері: доктор Кьяра Сервили мен доктор Дан Чишолм, ЮНИСЕФ өкілі доктор Нина Ференчич сынды сала мамандары бар.

ДДСҰ деректері бойынша әлемде жыл сайын жасөспірімдердің 10%-ы өздерін зақымдайды, соның 67 мыңға жуығы көз жұмады. Жасөспірім қыздар мен ұлдар көз жұмуының себептері арасында суицид әрдайым басты орындардың бірінде. Жасөспірімдердің психикалық денсаулығындағы мәселелерді тудырушы фактор ретінде депрессия, мазасыздық, мінез-құлық мәселелері мен өз-өзіне зақым келтіру жатады.

Дүниежүзі бойынша соңғы жылдары жасөспірімдердің ғана емес, жалпы жастардың психикалық денсаулығы мәселелеріне баса назар аударылып келеді. Мамандардың айтуынша, жастарға уақытылы көмек көрсету үшін мемлекет, қоғамдық ұйымдар мен бизнес тарапынан арнайы шаралар қажет. Дамыған елдердегі сияқты, дамушы елдерде де жастар психикалық денсаулық мәселелеріне ұшырауда. Мысалы, табысы жоғары елдерде 11-15 жас аралығындағы балалардың төрттен бірі күніне 2 не одан да көп рет мынадай психологиялық белгілерді сезеді: әлсіреу, ашушаңдық, күйгелектену немесе ұйқының болмауы. Оларға уақытылы көмек көрсетілмесе, психикалық денсаулық мәселесі одан бетер асқынып, өмір сүру сапасының төмендеуі мен суицидтік мінез-құлыққа әкелуі мүмкін.

Қазақстан үкіметі суицидті қоғамдық денсаулықтың маңызды мәселесі ретінде мойындап, жағдайды тыңғылықты зерттеу, ЮНИСЕФ-ті тарта отырып арнайы бағдарламалар әзірлеу, халықаралық мамандарды, үкіметтік емес ұйымдар мен білім беру және психикалық денсаулық саласындағы жергілікті мамандарды тарту секілді шараларды іске асырып келеді. Бірлескен жұмыс нәтижесінде кәмелетке толмаған жастар арасында суицидтің алдын алуы бойынша пилоттық жоба әзірленіп, іске асырылды. Осының негізінде жасөспірімдер арасында психикалық денсаулық пен өмірлік дағдыларды қалыптастыру, суицидтің алдын алу бағдарламасы жасалып, Қазақстан Республикасының бірнеше облыстарында енгізілді.

Бұл жобаға қатысқан жасөспірімдер қорқыныш, стресс пен көңілсіздік деңгейі төмендегенін хабарлады. Жоба басталғалы 12 айдан кейін сауалнамаға қатысқан, суицид туралы ойлап жүрген жастардың 80%-ы ол туралы ойлауды доғарғанын атап көрсеткен. «Мектепке жаңа психолог келгенде мен өлетін уақытымды анықтап қойғанмын. Бірақ психологтың сынып сағатында ол маған назар аударып, мені кейін өзіне шақырды», - деп ой бөлісті жобаға қатысушы 16 жасар Мария. «Психологпенболған ашық, әрі шынайы әңгімеден кейін мен үйге келдім және өлетін уақытымды сызып тастадым. Мен өзімді жеңіл сезіндім. Сезімдерім мен отбасымда өзгерістер болды. Бір-бірімізге жақынарық болып, көбірек көңіл бөле бастадық. Мен қазір кешкі мектепте оқимын және визажист курсын өтіп жүрмін, болашаққа жоспарлар құрып жатырмын». Бұл – жобаға қатысушылардың басынан кешірген өзгерістерінің бірі ғана.

Бұл оқиға және жобаны тәуелсіз бағалау деректері барлық тараптардың – орталық және жергілікті билік органдары, білім беру және денсаулық сақтау мекемелері, ЮНИСЕФ пен «Bilim Foundation» сынды халықаралық және үкіметтік емес ұйымдардың бірлескен әрекеті балалар мен жасөспірімдердің психикалық денсаулығын жақсарта отырып, стресске қарсы тұру деңгейін арттырып, оларға мәселелерді шешуге көмектесе алады.

Қазақстанның осы саладағы тәжірибесін үйрену және өз елдерінде қолдану үшін Еуропа мен Орталық Азия елдерінің жауапты органдарының өкілдері конференцияға қатысып жатыр.

«Bilim Foundation» қорының президенті Ерлан Айтмұхамбетовтың айтуынша, Қазақстанда суицидті алғашқы кезеңдерінде анықтайтын, профилактикалық шаралар жүргізетін және жасөспірімдерді психикалық денсаулыққа байланысты ақпараттандырып отыратын бірегей жоба жасалды. Қазірдің өзінде жоба тиімділігін көрсетіп келеді. «Bilim Foundation» қоғамдық қоры осы сәтті тәжірибені еліміздің барлық өңірлеріне енгізу бағытында жұмыс істеп келеді. Қор инновациялық шешімдер мен жаңа мазмұнмен жобаны ары қарай дамытуда. Мысалы, кәмелет жасқа толмағандардың денсаулығын жақсарту мен өмірлік дағдыларын қалыптастыру бойынша модульдер әзірленді.

Сонымен қатар, конференцияда Zhastar.org ақпараттық платформасының алғашқы нәтижелері таныстырылды. Платформа мектеп психологтары, денсаулық сақтау мамандары мен білім беру және денсаулық сақтау саласы бойынша өкілетті органдарды суицидтің алдын алу бойынша өзекті ақпарат ұсына отырып, жұмыс тиімділігін арттыра алады. Қор жетекшісі осы тәжірибені мемлекет деңгейінде бір стратегия ретінде енгізу жасөспірімдердің психикалық денсаулығын арттырып, суицид деңгейін төмендетіп, дені сау, бәсекеге қабілетті, прагматикалық ұрпақ өсіретінін атап өтті.

«Конференция үкімет пен ЮНИСЕФ-тің балалар мен жасөспірімдердің психикалық мәселесін түсіну мен шешу бойынша ұзақ бірлескен жұмысының нәтижесі. Қазақстан жасөспірімдердің психикалық денсаулығын нығайту бойынша жаңа әдістерді жасап, енгізу арқылы глобалды деңгейдегі психикалық денсаулық саласына баға жетпес үлес қосты. Біз конференция мен жобаның осындай қызығушылық туғызғанына қуаныштымыз. Маңыздысы, әрбір бала мен жасөспірімге бағытталған әрекетке және нәтижеге алып келгені», – деп атап өтті ЮНИСЕФ-тің Қазақстандағы өкілі Юрий Оксамитный.

Әлемдік психиатрлар қауымдастығы мен Еуропа психиатрлары қауымдастығы конференцияны балалар мен жасөспірімдердің психикалық денсаулығын сақтау мәселелерін осы өңірде және әлемде ілгерілету бағытындағы маңызды қадам ретінде қолдады.

Конференцияны ұйымдастырушылар мен қатысушылар барлық үкіметтерді балалар мен жасөспірімдердің психикалық денсаулығын нығайтығуға бағытталған шараларға баса назар аударуға, психикалық денсаулық саласындағы зерттеулерге бөлінетін қаржыны арттыруға, соңғы жаңалықтар мен білімге сүйенетін осы саладағы инновацияларды дамытуға, сапалы қолдау мен күтімді қамтамасыз етуге шақырды. Конференцияға қатысушылар психикалық денсаулық мәселесін нығайтуға түрлі секторларды жұмылдыру, мектептердің денсаулық сақтау мен психикалық денсаулық қызметтерімен, қоғам мен отбасының өзара тығыз байланысы маңызды екенін атап өтті.

Фото NewsRussia.Today сайтынан алынды

https://baq.kz/kk/news/ult_sauligi/mamandar_zhasospirimderdin_psihikalik_densauligina_alandauli20180119_135400

22-01-2018, 12:29